"مش هو ده الفن".. إيناس عز الدين تعلق على صراع الأعلى مشاهدة
خرجت الفنانة إيناس عز الدين عن صمتها لتعلق عما يحدث على مواقع التواصل الإجتماعي من صراع بين بعض الفنانين حول لقب الأعلى مشاهدة، وذلك من خلال منشور عبر حسابها الرسمي على موقع التواصل الإجتماعي فيسبوك.
تعليق إيناس عز الدين على صراع الأعلى مشاهدة
وقالت إيناس عز الدين في منشورها: “جماعة ما تشتغلوا وإنتوا ساكتين، هو لو إشتغلتوا في صمت هيشاوروا عليكم و يقولوا الصامتين أهم ؟، هو إنتوا كل اللي فارقلكم مين يبقى رقم واحد و يركب على باقي زمايله ومين يبقى رقم عشرة ؟ مش كفاية تلقيح و رمي كلام و فرش ملايات و رغي مصاطب ؟ وكل ده علشان إيه ؟ الفن ؟، لأ الفن بريء من اللي بيحصل و اللي بيحب الفن مش هيكون ده هدفه، الله يرحم أيام ما كانوا الفنانين كل هدفهم و منافستهم إزاي يمتعوا الجمهور و يقدموا للجمهور سفرة متنوعة فيها كل ما لذ و طاب من تنوع أعمال و فن وكله كان بينجح و كله كان بيتشاف و عملوا كلهم أعمال خالدة في التاريخ بتتشاف كلها حتى الآن و بعد ما ماتوا وكل واحد كان كل همه ينوع اللي بيقدمه للجمهور علشان النتيجة تكون إن الجمهور يلاقي نفسه بيتقدم له من كل نجم لون فني مختلف و عمل جديد ويحصله تشبع فني كوميدي و تراچيدي و درامي و عائلي و أكشن و إجتماعي و ديني و سياسي و وطني ( و كله بينجح ) من غير ما يعيب في الباقي علشان منافستهم كانت شريفة و مقياسها الجمهور الحقيقي مش لجان السوشيال ميديا، لكن دلوقتي سقف الطموح مين يركب الباقي و يدلدل رجليه، مش هو ده الفن مش ده الهدف من الفن كفاية عبث و فِنوا في صمت”.
ترتيب المسلسلات
وكانت ياسمين عبدالعزيز نشرت قائمة لترتيب المسلسلات الأعلى مشاهدة عبر منصة شاهد، وعلقت قائلة: "كل المسلسلات ماشاءالله مكسرة الدنيا، وكلهم عاملين مجهود جبار، دول top four على شاهد مصر، ياسمين عبدالعزيز، ثم مصطفى غريب، ثم حمادة هلال، ثم مي عمر، مبروك يا حبايبي".
ورد محمد سامي على ياسمين عبدالعزيز عبر حسابه الرسمي على موقع تبادل الصور والفيديوهات الشهير "إنستجرام".
محمد سامي لـ ياسمين عبدالعزيز: كنتي فين من أول رمضان يا غالية
واستخدم محمد سامي خاصية الاستوري، وكتب خلال قائلًا: "الله يبارك فيكي يا ياسو، أخيرًا بعد ما عرض موناليزا خلص بيومين، كنتي فين من أول رمضان يا غالية".
وأضاف محمد سامي قائلًا: "عارف أن نفسك في الموضوع ده من 1 رمضان، بس النصيب بقى، ساعات الواحد يتمنى حاجة يوم 1 ربنا يديهاله يوم 16، إدعيلي بقى لأن أنا اللي اقنعت مي أن موناليزا يبقى 15 حلقة بس".
واختتم محمد سامي قائلًا: "ياما كان الواحد يتمنى حاجة يوم 1 ربنا يديهاله بعد العيد زي السنة اللي فاتت كده بالظبط، دايمًا ناجحة ومتفوقة يا حبيبتي، عقبال السنة الجاية، ودايمًا تمتعي الجمهور اللي بيحبك وأنا أولهم".
