لؤي الخطيب يثني على جهود مصر الإنسانية في غزة: «المزايدين بقوا ساكتين»
شن الإعلامي والمحلل السياسي لؤي الخطيب، هجوما على المزايدين وذلك عبر حسابه على منصة «إكس»، بشأن الوضع الإنساني في غزة، مستنكرا ما وصفه بالصمت الحالي لبعض الأصوات التي كانت تنتقد مصر باستمرار بسبب دعمها للقطاع الفلسطيني.
وقال لؤي الخطيب في تدوينته: «في حاجة غريبة جدا ماعرفش ملاحظينها معايا ولا لأ، بس السادة المزايدين اللي كانوا ليل ونهار بيشتموا في مصر وبيهاجموها علشان غزة، ويا حرام مش عارفين يناموا الليل من قلقهم على أهل القطاع، ساكتين خالص دلوقتي، ونسيوا غزة وأهل غزة، مع إن على فكرة الحرب توقفت بس القطاع متدمر والخدمات منهارة ولسه محتاجين مساعدات بكميات مهولة».
أضاف لؤي الخطيب: «هما نسيوا، بس مصر مانسيتش، دي قوافل المساعدات بأعلام مصر داخل القطاع».
ويأتي هذا التعليق في ظل استمرار جهود مصر الإنسانية لإرسال قوافل المساعدات إلى قطاع غزة، حيث تركز على تلبية الاحتياجات الأساسية للمدنيين بعد توقف الحرب وتضرر البنية التحتية والخدمات الحيوية.
وفي وقت سابق، أشاد الإعلامي لؤي الخطيب بالفنان عصام السقا، عقب النجاح اللافت الذي حققه من خلال مشاركته في مسلسل «صحاب الأرض»، والذي حظي بتفاعل واسع على مواقع التواصل الاجتماعي، خاصة بعد عرض عدد من مشاهده المؤثرة التي لاقت صدى كبيرًا لدى الجمهور.
وكتب لؤي الخطيب على صفحته على موقع التواصل الاجتماعي فيسبوك: «الراجل اللي قالب الدنيا بالكلاكس بتاعه ده أنا بفرح جدا بنجاحه، عصام السقا يستاهل ينجح ويكبر، أعرف عصام من سنين، وشوفت بعيني ازاي تعب وشقي على اسمه، ازاي عافر وصمم وفرض وجوده، ازاي عاند رغم كل اللي استكتروا عليه نجاحه بس هو الأشطر والأبقى بفضل الله ثم دماغه وذكاءه».
أضاغ: «عصام السقا الجدع الراجل الوطني المحترم صاحب صاحبه، ربنا يزيدك نجاح وشطارة وحضور يا صديقي العزيز، وكلنا فهمناها يا عصام.. إيلا نفسها فهمتها»
وفي وقت سابق وجه الكاتب والمحلل الرياضي محمد نور، رسالة حادة عبر حسابه على منصة إكس إلى المتحدثة باسم جيش الاحتلال الإسرائيلي، إيلا واوية، ردا على هجومها على مسلسل «أصحاب الأرض».
واستهل نور منشوره بأسلوب استنكاري وساخر، قائلا: «يا إيلا ليش زعلتي من مسلسل أصحاب الأرض؟! اختاري الإجابة الصحيحة: 1- عشان فكركم بإجرامكم في حق شعب أعزل وقتل أطفال ونساء أبرياء؟.. 2- عشان بيوثق مجازركم في عمل درامي مش هيتمحي ودخل كل بيت عربي؟.. 3- عشان بيتكلم عن دور مصر اللي كانت بتبني اللي أنتم بتهدوه وبتصلح اللي أنتم بتفسدوه؟»
