التفاصيل الكاملة في سحب شارة قيادة المنتخب من أحمد فتحي ومنحها لمحمد صلاح

سأل الإعلامي أحمد شوبير خلال برنامجه أقر وأعترف ، أحمد فتحي لاعب الأهلي وبيراميدز السابق هل إنه كان رافض رفض قاطع سحب شارة قيادة المنتخب من أجل محمد صلاح؟

وكشف فتحي التفاصيل الكاملة في هذا الملف حيث قال حصل، أنا لقيت محمد بركات مدير الكورة في المنتخب وقتها قاللي عايزين نعمل ده، قلتله لأ إزاي يعني، قاللي الكابتن حسام عايز كده، قلتله صعب، وأنا ساعتها كنت في الأهلي دي حاجة بتديك قوة الصراحة وأنا بتكلم، فرفضت والموضوع فعلا اتأجل شوية وكملت الكابتن، بعد كده روحت بيراميدز مابقوش ياخدوني خالص والشارة راحت لصلاح ..

وأكمل بعد كده جيه كيروش، كلمني وائل جمعة انضم بس قاللي في شرط هتتنازل عن الشارة، وأنا ساعتها عندي 37 سنة مراتي قالتلي عادي وافق ويارتني ماسمعت كلامها لإني ماكنتش مبسوط بعد ماخدت القرار .. اتكلمت بقى مع صلاح بعدها وكنت حاسس إنه هو مش عارف يتعامل معايا، قلتله إنت يا صلاح لو جيت قلتلي عايزها معنديش مشكلة الموضوع مش فارق معايا بس تيجي منك إنت، قاللي لأ ماقلتش حاجة ده هما اللي عرضوا عليا وأنا قلتلهم عادي ماشي!