أحمد السقا يشعل مواقع السوشيال خلال «رامز ليفل الوحش»
شارك رامز جلال عبر مقدم برنامج رامز ليفل الوحش، عبر صفحته الرسمية على مقطع التواصل الاجتماعي فيسبوك مقطع فيديو طريف من برنامج رامز ليفل الوحش، حيث ظهر فيه الممثل أحمد السقا في موقف كوميدي مثير للضحك.
وكتب رامز مع الفيديو: «السقا: اعمل ايه بقى؟ أحط إيدي في الكهربا؟ يلا، تحسوا إن السقا عايز يضرب محمود، شوفوا عمل إيه في رامز ليفل الوحش».
وقد حظي المنشور بتفاعل واسع من الجمهور، الذي أعرب عن إعجابه بروح الدعابة والمواقف الطريفة التي يبتكرها رامز في برنامجه، حيث يجمع بين التحدي والإثارة والكوميديا في آن واحد.
ووقع الفنان أحمد السقا، ضحية في برنامج رامز ليفل الوحش، الذي يقدمه الفنان رامز جلال، عبر شاشة قناة MBC مصر، المذاع عقب أذان المغرب مباشرةً.
ووجه رامز جلال سؤالًا لـ أحمد السقا، حول عودته لطليقته مها الصغير أم سيتزوج من إمرأة أخرى، ليرد عليه الأخير قائلًا: "محدش ليه دعوه بحياتي الشخصية عشان معملش جناية".
وعلق رامز جلال عن طلاق أحمد السقا ومها الصغير أثناء تقديمه في حلقة برنامج رامز ليفل الوحش، قائلًا: "البيت أتخرب خلاص دا بقا قاعد عن محمود البزاوي خلاص".
وقال رامز جلال أثناء تقديم أحمد السقا كضحية جديدة: "انهادرا حلقة شائكة محفوفة بالمخاطر، مع إن اللي جاي صاحبي بس الشغل مفيهوش خواطر، معانا نجم كبير أفلامه بتكسر السينمات، ياما طلع من تحت أيده ممثلين وممثلات، بس للأسف بقاله فترة متغير ومتحول، ساب الأفلام والبلاتوهات واتفرغ للمشاكل والخناقات، ولما الفراغ قتله اتجه للفيديوهات".
وأضاف رامز جلال قائلًا: " عشان إنت بالنسبالي أكتر من أخ، أنا جايبك وعاملك فخ، أنت محتاج صدمة ترجعك لمستواك، عشان اللي بتعمله مش عمايل نجم شباك، يمكن لما تتحط في المفرمة عقلك يرجعلك وتفوق من جو قطز وعز الدين أيمن اللي أنت عايش فيه، أخرج من عصر المماليك".
وتابع رامز جلال قائلًا: "أنا كده عملت اللي عليا والدور والباقي عليك، بس أوعى تمد إيديك، معانا ومعاكم قلب الأسد، النجم اللى أتحسد، اللي هوقفه عند حده وأقوله لا، أحمد السقا".
