محمد سامي يهاجم فنان شهير: "مينفعش مسلسل محدش سمع عنه تقول إنه رقم 1" |فيديو

رد المخرج محمد سامي، على فنان شهير حول المسلسل الأكثر مشاهده في رمضان 2026، عبر حسابه الرسمي على موقع التواصل الاجتماعي "فيسبوك".

وقال محمد سامي، خلال مقطع فيديو، قائلًا: "كل سنه وأنتم طيبين، أنا عامل الفيديو دا للجمهور للتوضيح على حاجات معينة، وهكلم فيه بعض الزملاء لتوضيح أمور مهمه جدًا بالنسبة لفكرة رقم واحد".

وأضاف محمد سامي قائلًا: "لفت نظري إن فيه فيديو لزميل، زميل غالي عندي جدًا، لكن ملهاش علاقة بالغلاوة ليها علاقة بالتوثيق والتوضيح للجمهور، لقيت زميل عمل فيديو يتضمنه بعض المستندات والأوراق وبيقوله إنه رقم واحد، ودا ظلم كبير بين للأرقام".

وتابع محمد سامي قائلًا: "طالما الموضوع بقا للتوثيق، وبقا بسهوله أي واحد يطلع نجح أو لا يطلع يقول أنا رقم واحد، تريند بـ 75 جنية على أي مكان ويطلع يقول أنا رقم واحد".

وأكمل محمد سامي قائلًا: "رقم واحد دي ليها دلالات بتبان في حالات التجاوب بين الجمهور، مش مهم رقم واحد تعاله نقول مين اللي ينجح، مثلا في مسلسل عين سحرية سمعت عنه من كل الناس وقريت عنه وحصل عليه تجاوب".

وأوضح محمد سامي قائلًا: "مسلسل اتنين غيرنا سمعت من كل الناس وحصل عليه تجاوب وسمعت إن في ناس حابه العلاقة وناس حبة دور دينا الشربيني ودور آسر ياسين، سمعت عن مسلسل هي كيميا، واللذاذة اللي فيها مصطفى غريب وإن الموضوع حلو".

محمد سامي: مينفعش مسلسل محدش سمع عنه تقول إنه رقم 1

وأردف محمد سامي قائلًا: "سمعت عن مسلسل إياد نصار ومنة شلبي، سمعت إن في تجاوب، أسمع مشهد عمل فرقعة كبيرة، عن علاقة عاملة نجاح، وفي مسلسلات مسمعتش عنها خالص، ومينفعش إن مسلسل متسمعش عنه حاجة خالص أطلع أحاول أقنع الناس إن دا المسلسل اللي كسر العالم، غير صحيح".

وأستكمل محمد سامي قائلًا: "نفس فكرة الأجور مينفعش أطلع أقول أنا الأجر الأعلي، على فكرة في هوليوود معروفه الأجور لكل الناس لإنهم بيديفعوا ضرائب، وهنا برضوا الممثلين معتقدش إنهم بيتهربوا من الضرائب، فالبتالي بدل ماكل واحد يطلع يقول أنا أجري كذا تعاله نعمل زي هوليوود".

واقترح محمد سامي قائلًا: "كل واحد يوم ما يمضي عقد مسلسل ولا فيلم ينزل صورة العقدة بأجره بما إننا عايزين نتباها بالأجور، عشان مش اللي واخد خمسة جنية يقول أنا واخد سبعين".

واختتم محمد سامي قائلًا: "بالنسبة للأعلى أجر نفس الزميل طلع وقال إنه الأعلى أجر وقيمة تسويقية، يعني أنت أعلى أجر وقيمة تسويقية من كريم عبدالعزيز ومحمد رمضان وأحمد عز؟؟، طب ما الجمهور مش هيقتنع بالكلام دا، والكلام دا مش حقيقي ومش صح".