«رفضت 50 ألف دولار».. مصطفى كامل يفجر مفاجأة عن واقعة رشوة داخل النقابة

تحدث الفنان مصطفى كامل عن واقعة رشوة تم عرضها عليه، قائلا: «والله ما همضي، أصلا مكانش مطلوب مني إمضاء، كان مطلوب مني تليفون إن أنا أقول خلصوا، و2 ونص مليون جنيه أهو». 

عرض رشوة 2 ونصف مليون

وأضاف خلال لقائه ببرنامج «كشف حساب»، الذي تقدمه الإعلامية إنجي هشام، عللى شاشة قناة «هي»: «اتعرض عليا رشوة 2 ونص مليون جنيه، فى فنان ما كان عنده أزمة ومتقدم فيه شكاوى كتير وأنا معرفش إن فى 2 أعضاء مجلس مضوا على الولد ده إنه يتشطب، وجه واحد حبيبى قالى هتاخد 50 ألف دولار مقابل إلغاء الشطب».

إمضاء 2 في مؤامرة

وتابع: «ولقيت 2 من عندى عاملين مؤامرة وماضيين عليها وقولتلهم إزاى، وأنا كمان اتعرض عليا رشوة عشان ألغى القرار اللى انتوا عملتوه ده، ولحد دلوقت معرفش ازاى الورقة دى اتعملت، وسهل الرشوة فى نقابة المهن الموسيقية، وكلمت الأجهزة واتعمل تحقيق». 

 تفاصيل أزمة هيفاء وهبي

في سياق متصل، كشف الفنان مصطفى كامل نقيب المهن الموسيقية عن تفاصيل أزمته مع المطربة اللبنانية هيفاء وهبي، وسبب عدم تقديم اعتذار لنقابة المهن الموسيقية حتى الآن، خاصة بعد توجيه أكثر من إنذار وإخطار لها على خلفية الإساءة لمدير أعمالها المصري وعضو النقابة، مما أدى إلى صدور قرار بإيقافها عن العمل بداخل مصر.

وقال النقيب مصطفى كامل خلال لقائه في برنامج "كشف حساب" الذي تقدمه الإعلامية إنجي هشام عبر قناة "هي": أنا معنديش حسابات تحت الترابيزة، ليا زميل عضو جمعية عمومية هو مدير أعمالها، أشتكى إنها كتبت كلام وحش عنه، أنا بعت إنذارات وطلب حضور، لإني مبحبش الشطب والمنع بحس إني قاتل، ولكن فى ناس عملنا معاهم ده لأنهم يستحقوا، وزميلي ده له حق عليا، وابتديت أكلم المستشار القانوني ياسر قنطوش محاميها، الموضوع سهل صالحي الراجل وراضيه.

اعتذار هيفاء 

وأضاف مصطفى كامل : دورى أحمى حقه ولما مجتش هيفاء واعتذرت خدنا القرار ومبعرفش أكل حرام ولا ليا فى القذارة بخاف على سمعتي، كلمتني عن طريق شخص صاحبي وأخويا وطلبت تكلمني، قولتلها يا هيفاء أنتي أخطأتي في حقه وكان أقربلك مني لما ابعتلك أقولك تعالي إتراضي بعد ما أسأتي له فأنتي مجتيش، قالتلي لو ينفع أجيلك البيت، فى الوضع ده أنا اتحط فى مكان مش كويس الأزمة تخلص مع زميلي فى النقابة وبيتي مفتوحلك .