دكتورة نانسي ماهر تحلل علاقات دينا الشربيني وآسر ياسين في مسلسل اتنين غيرنا

تصدر مسلسل اتنين غيرنا، بطولة الفنانة دينا الشربيني والفنان آسر ياسين الترند الساعات الماضية بعد تخلي حسن عنها ضمن أحداث المسلسل والعودة إلي طليقته هنادي مهنى، وكشفت دكتورة نانسي ماهر خبيرة العلاقات خلال صفحتها الرسمية على مواقع التواصل الاجتماعي، مستدلة بالنصيحة الذهبية اللي قالتها صديقته (لا تعطش دي ولا تعشم دي, وحط نفسك مكان نور شوف هي حاسة بإيه)

وتابعت: من أهم الالاعيب النفسية اللي شرحتها بالتفصيل في كتاب توكسيكولوجي هي فكرة الشخص (وهنا الرجل) اللي مش بيعرف يحط حدود واضحة للعلاقات

فكرة الشخص اللي "قلبه كبير" زي ما قالوله أصحابه أو اللي بيحب ويتعذب وينسى ويحب تاني ويفضل ذوق أو موارب الباب بقصد أو بدون قصد-

من غير قافلة واضحة جواه

دي مشكل كبيرة جدا في العلاقات

محدش عارف هينهوا القصة هنا إزاي بس ناس كتير محتاجة تاخد بالها من كذا حاجة

1.  الشخصية المتلاعبة manipulative person  زي طليقته

الشخصية دي مهم جدا يتحطلها حدود واضحة والشخص يخلي باله جدا من وسائل الضغط اللي بتمارسه خصوصا لو في موقف حساس زي قريبة، زوجة سابقة، في أبن…

2.  مشاعر الثقة اللي حطتها فيك الشخصية 

الجديدة, التعهد بالأمان والحماية, الطلب والتوسل أنها متتوجعش منه بيفرض عليه أنه يراعي ربنا جدا وضميره ويحسب كل حساباته قبل ما يتعهد ويوعد ويعلق ويعشم

3.  الجراح الغير ملتئمة، واضح من سياق 

الكلام أنه مأخدش فرصة واضحة أنه يتكلم مع طليقته أو يعاتبها عتاب قوي يطلع كل المشاعر ودة في سياق آخر ممكن يخلي المتلاعب أو المؤذي ليه باب أو ثغرات يدخل منها فمهم التعافي الحقيقي قبل الارتباط مرة أخرى وفتح صفحات جديدة، شكرا لأسرة المسلسل لإثارة النقطة دي.