تميم يونس عن بيومي فؤاد: شخصية كرتونية ولقيناه فاضي فطلعناه على المسرح

قال المخرج تميم يونس إن فريق البرنامج قرر خلال حلقة اليوم استضافة بيومي فؤاد، مضيفا بسخرية: «ليه بيومي فؤاد؟ عشان هو شخصية كرتونية وبييجي في الفواصل، وتقريبا أول مرة يكون فاضي، فقولنا نشغله.. هو راجل بتاع مسرح فقررنا نطلعه على المسرح».

وجاء ذلك خلال حلقة اليوم من برنامج الكاميرا الخفية، المذاع عبر شاشة ON.

وفي وقت سابق، بعد خلاف امتد لأكثر من عامين، خرج الفنان بيومي فؤاد للاعتذار للفنان محمد سلام، عن الفيديو الذي تم تداوله لـ بيومي في موسم الرياض عام 2023، عندما خرج للدفاع عن النجوم المصريين الذين يعملون في موسم الرياض، بعدما أعلن سلام اعتذاره عن عدم تقديم إحدى المسرحيات وقتها بسبب أحداث العدوان الإسرائيلي على غزة.

بيومي فؤاد يعتذر لـ محمد سلام

وبكى بيومي فؤاد خلال لقائه مع الفنان حسام داغر، في بودكاست شقة التعاون، المعروض عبر يوتيوب، وقال عن محمد سلام : “نفسي أشوفلك حاجة في رمضان السنة دي .. ربنا يوفقك ويصلح الحال .. وأنا عارف معدنك ويارب يعدي الموضوع ده على خير .. وأنت عارف مين بيومي فؤاد كويس أوي .. ولو زعلان مني أنا آسف”.

لسه لغايت دلوقتي الناس بتقول عليا رخيص

وواصل بيومي مشيرًا إلى تأثره الكبير بعد الهجوم عليه بسبب هذا الفيديو، قائلًا : “لسه لغاية دلوقتي الناس بتقول عليا رخيص .. وبعد الموضوع ده أنا قفلت كل السوشيال ميديا بتاعتي”.

علاقة بيومي فؤاد القوية بـ محمد سلام

كما تحدث بيومي فؤاد عن علاقته القوية بالفنان محمد سلام، حيث قال : “أنا كنت ولي أمر محمد سلام .. واللي حصل كان زي كارثة طبيعية كسرت الدنيا .. وأنا عارف إني أخطأت”.

وأكد بيومي أنه لم يكن يومًا يسعى للظهور عبر السوشيال ميديا أو ركوب موجة التريند، بل على العكس تمامًا، فهو فنان اعتاد العمل في صمت بعيدًا عن الضجيج، وأضاف : “أنا مش بتاع تريند وسوشيال ميديا .. ومش متعود على الهجوم”.