هاشتاج «جمهور الأهلي في ضهر الأهلي» يتصدر موقع «X»
تصدر هاشتاج «جمهور الأهلي في ضهر الأهلي» موقع «X»، تويتر سابقًا، بعد موجة دعم واسعة اجتاحت منصات التواصل الاجتماعي من جانب جماهير النادي الأهلي، مساندة لفريق الكرة الذي يخوض صراعًا قويًّا على لقبي الدوري ودوري أبطال إفريقيا.
وجاء تدشين الهاشتاج ليعكس حالة الاصطفاف الكامل خلف فريق الكرة بالأهلي في توقيت حاسم في المنافسة، حيث تفاعل الآلاف من الجماهير الحمراء، مؤكدين أن اللحظة الراهنة تتطلب تلاحمًا استثنائيًّا للحفاظ على حظوظ الأهلي في المنافسة ومواصلة المشوار نحو منصات التتويج.
وأكد المشاركون عبر تغريداتهم على أهمية الحضور الجماهيري المكثف في المباريات المقبلة. خاصة أن جمهور الأهلي كان على الدوام حجر الأساس في مسيرة الإنجازات، وأن المدرجات شكلت عبر التاريخ قوة دافعة صنعت الفارق في أصعب المواجهات، وأسهمت في كتابة فصول مضيئة من البطولات والانتصارات.
الدماطي يوجه رسالة لجماهير الأهلي
في سياق متصل، كتب الدماطي عبر حسابه على موقع التواصل الاجتماعي فيسبوك:"حتكلم في البوست دة بصفتي مشجع اهلاوي قبل ما ابقي عضو مجلس ادارة ، و عارف حجم الأبواب اللي حتتفتح عليا ، بس أنا مش بعرف استخبي".
وتابع:"مهما كان درجة عدم رضاك عن الادارة او الفريق او اي شيء دة مش مبرر أبدا لضعف الحضور الجماهيري في مباريات حاسمة في الدوري، لو هي ظاهرة عامة ممكن اقول فقدان شغف ، او مشاكل مع الجمهور".
وأضاف:" لكن لما يبقي الحضور كامل العدد في ماتشات افريقيا و عدد قليل جدا في مباريات الدوري يبقي اية السبب، هل بنوصل رسالة للاعبين ان الدوري مش مهم، مفيش أي مبرر منطقي للتفاوت دة، و مش حندفن راسنا في الرمل و نعمل مش واخدين بالنا ، كل البطولات مهمة".
وأكمل:" التواجد الجماهيري دة لوحدة بيحسن الاداء ، أنا علي مدار عمري كنت اكتر فترة لازم ابقي موجود فيها في المدرج و الفريق محتاجني عشان يكسب ".
واختتم:"نقفل علي نفسنا شهرين بس ، نركز مع حاجة واحدة اننا نزق فرقتنا لقدام لحد آخر الموسم ، نشجع و نروح الاستاد ، و نسيب اي انتقادات علي جنب دلوقتي عشان مش مهم الأشخاص ، محدش حيفتكر حاجة غير البطولات في الاخر ، المهم الاهلي ، الاهلي و بس ، ياريت الناس المؤثرة تتبني الاتجاة دة ، كل حاجة لسة في ايدينا ، و ان شاء الله ربنا حيكرمنا في الاخر".
