صلاح دياب يكشف أول 1200 جنيه في حياته: بدأت بالعسل وشقة متواضعة
روى المهندس صلاح دياب، رئيس مجلس إدارة مجموعة شركات بيكو، تفاصيل أول مشروع له وأول مبلغ مالي حصله بنفسه، مؤكدا أن بداياته كانت مليئة بالمبادرة والطموح رغم بساطتها.
وخلال لقائه مع الإعلامية لميس الحديدي في برنامج «رحلة المليار» على قناة «قناة النهار»، قال صلاح دياب: «أول مبلغ كسبته كان 1200 جنيه من العسل، إحنا كان عندنا مناحل في المزرعة بتاعة العيلة وجاء تاجر جملة يشتريهم ب500 جنيه، فطلبت منهم يأتمنوني على الـ 500 جنيه لمدة شهر أو أقل وأرجعهملهم».
شركة البلاستيك الأهلية
وأوضح صلاح دياب أنه كان طالبا في كلية الهندسة حين أخذ الصفايح وأجر شقة متواضعة في منطقة سيدنا الحسين، موضحا: «جبت خزان وبعدين ماشي لقيت شركة البلاستيك الأهلية بتعمل علب جميلة جدا، ففضيت واحدة، وصحبي قاللي نعمل براند، فقلت له نكتب 'شهد نحلة البحيرة' وروحنا للمطبعة، وعملوا حاجة كانت علامة تجارية ولونها بمبي بلدي قوي».
وأضاف صلاح دياب: «روحت بالعلب دي لكويدر والحلويات الشامية، أعجبوا جدا بالعلبة، وكنت بكسب في كل علبة جنيه… الكمية دي عملتلي 1200 جنيه، وكان أول 1200 جنيه أكسبهم في حياتي، فعملت اللي بيعملوا أي شاب في الوقت ده من سهر ودلع وخروج».
وأشار دياب إلى أن هذه التجربة علمته أساسيات الريادة والادخار، وأكدت له أن أي مشروع صغير يمكن أن يكون خطوة نحو رحلة نجاح كبيرة.
وفي سياق أخر، روي المهندس صلاح دياب، واقعة طريفة جمعتة بالنجمة يسرا، مشيرا إلى أنه كان يحبها للغاية ويتمنى رؤيتها، لكنه لم يكن يمتلك سبيل لهذا.
وأوضح دياب، خلال حضوره إحدى الندوات، أنه تقابل معها بالصدفة على متن طائرة كانت متجه لفرنسا، مضيفا: «أنا كنت معجب جدا بيسرا ومازالت، بس معرفش أوصلها إزاي، وبعدين في يوم بالصدفة كنت رايح باريس وقابلتها على الطيارة، وقتها قولت ده ربنا وقعها في طريقي، وطلبت منها نتعشى مع بعض وهي وافقت».
وتابع: «قولت أنا هختار مطعم شيك وفاخر علشان تنبهر، لكن هي اختارت المطعم وأنا قولت تمام، ولما وصلت المطعم لقيتها جايبة يوسف شاهين وكل فريق عمل اللي كان جاي يصور معاها في باريس 11 نفر».
