صلاح دياب: «ملياري مختلف… بدأت من صفر بقرض 10 آلاف جنيه»
كشف المهندس صلاح دياب، رئيس مجلس إدارة مجموعة شركات بيكو، تفاصيل رحلته المالية المثيرة، موضحا أن ملياره الخاص يختلف عن مليارات الآخرين، إذ بدأ من الصفر وتحمل ديونا ليصل إلى ما هو عليه اليوم.
وقال دياب، خلال لقائه مع الإعلامية لميس الحديدي في برنامج «رحلة المليار» على قناة «قناة النهار» : «التاج فيه 50 جوهرة، وأنا أعتبر من ضمن نادي المليارديرات، لكن المليار بتاعي مختلفة شوية عن المليارات بتاعة الأخرين، لأنه ملياري ديون، عندي مليار جنيه مديون بيهم».
مسيرته المالية
وأضاف صلاح دياب أنه بدأ مسيرته المالية دون أي إرث أو رأس مال، موضحا: «أنا مبتديتش برأس مال، ابتدينا بقرض، وأول قرض روحت أجيبه من البنك الأهلي وكان 10 آلاف جنيه فقط، وبعد كده بدأت العملية تتصاعد وكل ما بشتغل بتكبر».
وأشار دياب إلى أن النجاح لم يكن وليد الصدفة، بل نتاج الجرأة على البدء من الصفر، والقدرة على تحويل القروض والفرص الصغيرة إلى مشاريع ناجحة، مؤكدا أن طريق المليار يحتاج صبرا ومثابرة مستمرة.
وفي سياق أخر، روي المهندس صلاح دياب، واقعة طريفة جمعتة بالنجمة يسرا، مشيرا إلى أنه كان يحبها للغاية ويتمنى رؤيتها، لكنه لم يكن يمتلك سبيل لهذا.
وأوضح دياب، خلال حضوره إحدى الندوات، أنه تقابل معها بالصدفة على متن طائرة كانت متجه لفرنسا، مضيفا: «أنا كنت معجب جدا بيسرا ومازالت، بس معرفش أوصلها إزاي، وبعدين في يوم بالصدفة كنت رايح باريس وقابلتها على الطيارة، وقتها قولت ده ربنا وقعها في طريقي، وطلبت منها نتعشى مع بعض وهي وافقت».
وتابع صلاح دياب: «قولت أنا هختار مطعم شيك وفاخر علشان تنبهر، لكن هي اختارت المطعم وأنا قولت تمام، ولما وصلت المطعم لقيتها جايبة يوسف شاهين وكل فريق عمل اللي كان جاي يصور معاها في باريس 11 نفر».
وواصل صلاح دياب: «قولت يخرب عقلك ايه العمله السوده دي، ليه أنا اتخيل إن في حاجه كويسة هتحصل وتنتهي بهذا الشكل، أاتاري إن مفيد فوزي كان قاعد معايا وأنا بتكلم عن يسرا ووقتها مراتي اعترضت ولما قولتلها انت مش واثقة فيا، قالتلي أنا واثقة في يسرا».
