أعمل لتوفير مصاريف الجامعة.. حياة كريمة يمنح طالب يعمل «دليفري» 30 ألف جنيه
التقى برنامج “حياة كريمة” بطالب جامعي يعمل «دليفري»، حيث سأله الإعلامي أيمن مصطفى: "أنت ليه مش معاك موتوسيكل؟"، قال: "مش معايا فلوس علسان أشتريه، وإن شاء الله ربنا يقدرني وأشتريه علشان يساعدني في الشغل".
وأضاف، خلال لقائه ببرنامج "حياة كريمة" والإعلامي أيمن مصطفى أنه يعمل من أجل الحصول على مصاريف الجامعة، ومساعدة والده في المنزل، لافتاً إلى أن راتب والده قيل ولا يكفي.
وأوضح أنه يعمل لمدة تزيد عن 10 ساعات، لافتاً إلى أن الموضوع مرهق بالنسبة له، مضيفاً: "أنا رجلي بتتعبني شوية من التبديل، لكن ربنا هو المعين وأنا راضٍ الحمد لله، لكن نفسي أشتري مكنة تساعدني في الشغل".
وتابع: "أنا عامل جمعية هقبضها آخر الشهر 15 ألف جنيه، وفاضل بس 20 ألف علشان أكمل حق المكنة، لو فضلت أشتغل كل يوم 12 ساعة ممكن أقدر أحصل على المبلغ، مواصلا: الموضوع هيطول معايا علشان أنا بساعد في مصاريف المنزل".
بشتغل بعد الدراسة
ولفت إلى أنه في أيام الدراسة يعمل بعد انتهاء المحاضرات كل يوم، مشيرا إلى أن لا يستطيع أن يعطي نفسه يوم للراحة، مضيفا: لو في يوم مشتغلتش اليوم اللي بعده مش هيبقى معايا فلوس.
ومَنَح برنامج حياة كريمة مكافأة 30 ألف جنيه له. وقال الإعلامي أيمن مصطفى: «دي هدية بسيطة علشان انت جدع وتعمل وتدرس في نفس الوقت، وهات الموتوسيكل اللي انت نفسك فيه».
