مي فاروق توجّه رسالة شكر لتركي آل الشيخ: «شرفت ونورت مصر ودائما مجمعنا»
نشرت الفنانة مي فاروق رسالة عبر حسابها الرسمي على موقع فيسبوك، عبّرت خلالها عن سعادتها بتلبية دعوة رسمية، موجهة الشكر إلى المستشار تركي آل الشيخ على الدعوة الكريمة.
وقالت مي فاروق في منشورها: «شكراً على الدعوة الكريمة معالي المستشار.. شرفت ونورت مصر ودائماً مجمعنا».
كلمات مي فاروق عكست أجواء من الود والترحاب، كما حملت إشادة بالعلاقات الطيبة وروح الأخوة التي تجمع بين مصر والمملكة العربية السعودية، وهو ما ظهر بوضوح من خلال الرموز التي أرفقتها بالعلمين المصري والسعودي.
وفي وقت سابق، ظهرت المطربة مي فاروق في لقاء خاص على منصة المشهد مع الإعلامي “محمد القس”، لتتحدث من قلبها عن الانتقادات التي طالتها وقت زواجها من الفنان محمد العمروسي.
انتقادات مي فاروق بسبب زواجها
حيث قالت مي فاروق في حديثها: “التعليقات كلها وقت زواجي كانت في حتة ما تعيشي تربي ولادك، مش عيب عليكي وعلى طول بنتك اللي واقفة جنبك أن أنتي بتتجوزي تاني، وكمان لابسة فستان فرح ده ايه البجاحة دي، ياسلام هو أنا واخداه من دولابكم، وكل ده شوفته يوم الصباحية زي ما بيقولوا، أنا مصر كلها بتتكلم عليا اللي بيهاجم واللي بيدافع واللي بيرد، وفي دكاترة نفسيين بيحللوا اللي بيتقال، واللي بيحللوا شخصيتي، أنا كنت محتوى غريب في الفترة دي، بقيت قاعدة بتفرج وأضحك، والمنشتات اللي نزلت وكسرتوا فرحتي ليه، أنا محدش يقدر يكسر فرحتي مادام أنا فرحانة ده غير أن أصلا مقولتش كده، أنا ولا اتكلمت ولا قولت حاجة غير أني اتجوزت وعملت فرح”.
واستنكرت مي فاروق ما حدث من انتقادات قائلة: “أنا عملت ايه غلط، مش أنا عملت الصح والحلال واللي يرضي ربنا وولادي وعيلتي ويرضيني أنا والراجل اللي في حياتي، في حاجة عيب في حاجة فجة بتحصل، هو ربنا مقاليش أن من حقي ارتبط تاني، ربنا فرض عليا أني لو ارتبطت تاني ملبسش فستان أبيض، هو مش الزواج إشهار ولا ايه ما أهو إشهار أهو، أنا حرة ده موضوعي أنا ايه اللي يضايقكم، بقينا في مجتمع بيعلق على أي حاجة بتحصل، أنا عمري ما شوفت حد بيتشتم عشان عمل حلال ربنا والصح، كنت مايتة من الضحك يا جماعة أنتوا بجد ولا أنا اللي مجنونة".
