«كنت هغرق بجد».. حمادة هلال يكشف أخطر كواليس تصوير «المداح»
كشف الفنان حمادة هلال، تفاصيل جديدة عن كواليس تصوير مسلسل «المداح»، قائلا إن مشهد الغرق كان حقيقيا، معلقا: «كنت هغرق فعلا للأسف، احنا عملنا نفس المشهد في الجزء الرابع بس كانت الحكاية مختلفة، ومتعود إني أغطس والكاميرا تصورني، لكن المرة اللي فاتت مكنتش مربوط في الغرق، المرة دي كنت مربوط».
نظرة لقرب الموت
وأضاف: «كانوا حاطينلي تقل أكتر من 100 كيلو ملفوف حوالين جسمي والجلابية كان ساتراه مش باين، وكان في علامة بين المنقذ وفريق الإنقاذ ومدير التصوير لو حصلت حاجة هرفع إيدي بس أرفع إيدي ازاي وأنا إيدي مربوطة، فأنا نزلت فعلا ومكنتش واخد نفسي الصح، فالتقيلة خدتني تحت وقعدت أفك إيدي بجد وفكروني بمثل، رفعت إيدي ملقتش حد جايلي لغاية ما لحقوني، حتى جت نظرة تبريقة كده عينيا حسين إني أنا بموت، بس ربنا سترها ونزلت أخدت أكسجين من الأنبوبة، بس أنا في اليوم دا كنت هغرق بجد».
تفاصيل جديدة عن كواليس التصوير
في سياق متصل، كشف الفنان حمادة هلال، تفاصيل جديدة عن كواليس تصوير مسلسل «المداح»، قائلا إن هذا العام يعتبر أصعب موسم تصوير لأن الأماكن كانت بعيدة للغاية، مضيفا: «حتى لما سافرنا المغرب مصورناش في منطقة واحدة لا كذا مكان بعيد عن بعض».
المسلسلات أصبحت بيزنس رسمي
وقال: «المسلسلات أصبحت بيزنس رسمي، وفي شركات كبيرة للسوشيال ميديا محتاجة تشتغل، وفي فنانين أكيد بيحبوا يعلوا وينشطوا شغلهم، دي حاجة مش وحشة على فكرة بس أنا مش بحب إني أبقى على الأرض نفسها مش موجودين بس احنا على السوشيال ميديا دا رقم واحد».
مهاجة اللجان الإلكترونية
وأضاف، خلال حواره عبر برنامج «تفاعلكم»، المذاع على قناة «العربية»: «مش بقول أهمل السوشيال ميديا بس لازم أركز عليها بطريقة مختلفة، زي الفيديوهات اللي فيها نوعية من السخرية على نفسنا ساعات».
وأوضح أن الاسم هو أسطورة النهاية ولا يستطيع القول إن هذا هو الموسم الأخير، معلقا: «لو فريق العمل من المخرجين والمنتجين اجتمعوا وقالوا إن دا آخر جزء طبيعي هيكون دا آخر جزء ومقدرش أتكلم».
