حمادة هلال: مش عايز أبقى تريند أونلاين وأنا مش موجود على الأرض
كشف الفنان حمادة هلال عن تطورات جديدة في الجزء الجديد من مسلسله «المداح»، قائلا: «المسلسلات أصبحت بيزنس رسمي، وفي شركات كبيرة للسوشيال ميديا محتاجة تشتغل، وفي فنانين أكيد بيحبوا يعلوا وينشطوا شغلهم، دي حاجة مش وحشة على فكرة بس أنا مش بحب إني أبقى على الأرض نفسها مش موجودين بس احنا على السوشيال ميديا دا رقم واحد».
مشاركة فيديوهات سخرية
وأضاف، خلال حواره عبر برنامج «تفاعلكم»، المذاع على قناة «العربية»: «مش بقول أهمل السوشيال ميديا بس لازم أركز عليها بطريقة مختلفة، زي الفيديوهات اللي فيها نوعية من السخرية على نفسنا ساعات».
حكاية أسطورة النهاية
وأوضح أن الاسم هو أسطورة النهاية ولا يستطيع القول إن هذا هو الموسم الأخير، معلقا: «لو فريق العمل من المخرجين والمنتجين اجتمعوا وقالوا إن دا آخر جزء طبيعي هيكون دا آخر جزء ومقدرش أتكلم».
وتابع: «الجمهور اللي بجد عنده إصرار، وليس الجمهور الذي يمكن صناعته على السوشيال ميديا بما يسمى اللجان الإلكترونية، بالتالي لما بنلاقي حكاية هتليق إنها تكون بنفس قوة الأجزاء السابقة بنتوكل على الله ونشتغل، لحد دلوقتي مفيش فكرة جديدة لا دانا لسه بصور المداح».
في وقت سابق، حل الفنان حمادة هلال في لقاء خاص مع برنامج ET بالعربي، ليتحدث من خلال هذا اللقاء على تفاصيل مشاركة أحمد السقا بظهور خاص في مسلسل المداح الموسم السادس الذي يحمل عنوان “أسطورة النهاية”.
حديث حمادة هلال عن أحمد السقا
وقال حمادة هلال في حديثه: “هو فنان كبير كبير أوي وكل الناس عارفة قدره كويس، كلمة أبو الجدعنة دي قصة تانية، هو عدا الحتة دي، أحمد أخويا وصديقنا، وجالنا ووقف معانا، وصور معانا يوم كامل وكان مبسوط جدًا معانا في اللوكيشن ومش عايز يسيبنا، ومخدش جنيه، هو مبسوط بينا وأحنا طايرين بيه، قالي أنا معاك وأي حاجة في ضهرك”.
أحمد السقا مفاجأة مسلسل المداح 6
وقد أعلن الحساب الرسمي لقناة mbc مصر عن مفاجأة للجمهور في مسلسل المداح 6 : أسطورة النهاية بطولة النجم حمادة هلال، والمقرر عرضه في موسم دراما رمضان المقبل 2026، في استكمال لنجاحات سلسلة المداح خلال السنوات القليلة الماضية، حيث شارك الحساب صور للنجم أحمد السقا بصحبة حمادة هلال، من كواليس تصوير المداح 6، حيث يظهر السقا خلال الأحداث كضيف شرف.
