الليلة.. حمو بيكا ضيف في برنامج ألف ليلة مع فيفي عبده |فيديو
تستضيف الفنانة فيفي عبده مطرب المهرجانات الشهير “حمو بيكا” الليلة في برنامجها “ألف ليلة مع فيفي عبده”، حيث أعلنت قناة mbc مصر عن البرومو الرسمي للحلقة من خلال حساباتها الرسمية على مواقع التواصل الإجتماعي، وظهر حمو بيكا في البرومو وهو يرتدي ملابس تنكرية لـ “كتكوت".
وقالت فيفي عبده في البرومو: “ضيفنا أنهاردة دمه خفيف حمو بيكا، عايزاك تكاكي من قلبك أنهاردة”، ليقول لها حمو بيكا: “أنتي خنقتيني يا فوفا، والنعمة ما عايز أمثل”.
كواليس تعارف حمو بيكا على زوجته
وقد حل مطرب المهرجانات حمو بيكا مؤخرًا ضيفًا مع أبلة فاهيتا في برنامج ليلة فونطاستيك، الذي يُذاع على قناة mbc مصر، وتحدث خلال اللقاء عن جوانب كثيرة من شخصيته، وتطرق في حديثه إلي تفاصيل معرفته بزوجته.
حيث قال حمو بيكا عن زوجته: “اتعرفت على مراتي بعد ما جيبت المرسيدس وهي شافت كل حاجة حلوة، والدتي هي اللي اتعرفت عليها وأول ما شوفتها قولتلها عايزة أتجوزها، وأنا رومانسي بس بطريقتي مش بجيب دباديب هي مش بتحبها، لكن بتحب الشوكولاتة”.
أما عن بناته، فقال حمو بيكا: “البنات حنينين وطيبين، وأنا ربنا كاتبلي أن خلفتي تبقى بنات وأنا راضي، وهما طالعين شبهي”.
سبب نجاح أغاني حمو بيكا
وفي سياق آخر، قال حمو بيكا موضحًا سبب نجاح أغانيه: “دلوقتي النجاح مبقاس بالصوت، بقى بحب الناس، لو الناس حبيتك هتسمع أغانيك، وسبب نجاح المهرجانات أننا بنغني من الشارع للشارع، بنجيب الكلام من تحت”.
وأوضح حمو بيكا خلال حديثه أنه عمل بكل المهن قبل اتجاهه للغناء، حيث قال: “اشتغلت كل حاجة جزار ونجار ومبيض محارة، بدأت شغل وأنا عندي 15 سنة”.
حقيقة امتلاك حمو بيكا كميات كبيرة من الذهب
وعن ظهوره دائمًا بكميات كبيرة يرتديها من الذهب، قال حمو بيكا: “ده دهب حقيقي مش فالسو، ومراتي عندها دهب أكتر مني، وأنا عندي خزنة بشيل فيها دهبي غير الخزنة بتاعت مراتي”.
"الكرش علامته التجارية"
وتطرق في حواره عن زيادة وزنه، حيث قال حمو بيكا: “حاولت أخس وخدت حقن بس بقيت أكل أكتر، وبعدين مبقتش بقدر أعيش من غير كرشي ده هو علامتي التجارية”.
