غادة عبد الرازق تتعرض لإصابة في برنامج رامز ليفل الوحش: سناني اتكسرت
تعرضت الفنانة غادة عبد الرازق لإصابة خلال وقوعها ضحية برنامج ليفل الوحش الذي يقدمه رامز جلال يوميًا في شهر رمضان على قناة إم بي سي مصر في الساعة السادسة مساءً.
وقالت غادة عبد الرازق خلال وجودها في غرفة الألعاب وسقوطها من أعلى اللعبة أنها أسنانها انكسرت، وهو ما جعل رامز يسخر منها وقال إنه سيركب لها طاقم أسنان.
وخلال تقديم رامز جلال لـ غادة عبد الرازق قال: “فنانة قوية وبتعمل اللي على مزاجها.. ضربت منتجين شخطت في مخرجين الكل منها مرعوبين.. كل زيجاتها فشلت... أنا جايبك النهاردة عشان تعملي Come Back.. وترجعي نجمة شباك.. النهاردة معانا غادة عبد الرازق".
كما سخر من نحافتها، وقال رامز: "عاملة في سنانها تقويم ومزوداها في الرجيم وموقفة حلو وحادق يا نهار أبيض.. أنتي خسيتي كده ليه؟ دي ميفتش غادة عبد الرازق.. دي بقيت عبد الرازق.. ما شفتوش غادة زمان.. منه لله محمد سامي هو اللي كسر كبريائها.. أنتم متأكدين أن دي غادة عبد الرازق؟ إحنا مضحوك علينا دي مش غادة دي أحمد زاهر.. رحلتها ولا رحلة شجرة الدر.. كلها صراعات وخناقات".
وعاود وسخر منها قائلًا: “هي بتعمل كده ليه ببوقها؟ الظاهر إنها بوادر العصب السابع”.
