بشرى : ممكن أتجوز للمرة الرابعة والخامسة

كشفت الفنانة بشرى عن إمكانية زواجها مجددًا، بعد انفصالها عن خالد حميدة نجل الفنان محمود حميدة في يونيو من العام الماضي.

وقالت بشرى في تصريحات تلفزيونية : "عايزين مني إيه ؟ .. وزعلانين ليه إني بتجوز على سنة الله ورسوله .. ممكن أتجوز مرة رابعة وخامسة كمان .. إيه المشكلة ؟ ..

وواصلت : "ناقصني التقدير ونفسي ألحق أعمل حاجات قبل أما سني يكبر .. وبحس إني موهبة مهدرة".

وعن والدها الراحل ، اختتمت بشرى : "بحس إن والدي معايا وبيحارب معايا من العالم الآخر .. وفات 20 سنة على وفاته".

يُذكر أن الفنانة بشرى، سبق وكشفت للمرة الأولى عن سبب انفصالها عن زوجها خالد حميدة نجل الفنان محمود حميدة، وذلك من خلال تصريحاتها في برنامج ورقة بيضا الذي تقدمه الإعلامية يمنى بدراوي.

وقالت بشرى : “أولًا أنتوا حاسبينها غلط، إحنا فضلنا متجوزين سنة ونص، أنتوا حسبتوا من يوم حفل الزفاف بس، أما عن سبب الانفصال، فالعلاقات اللي في بلدين مختلفين صعبة مش سهلة، هو في بلد تانية، وأنا عندي ولادي هنا مش هعرف أسيبهم، وفعلا كان في حب واحترام ودعم، لكن ظروف المسافات بجانب أولويات الحياة، يعني أنا واصلة لمرحلة في حياتي أولولياتي مختلفة، هو مازالت أولوياته العمل الشديد والدأب في العمل".

وأضافت : "أنا عايزة أعيش أنا قولتها بمنتهى الأمانة أنا ست في مرحلة في حياتي انجزت ونجحت وعملت اللي المجتمع عايزه وبقيت أم، وحقه أنه يكون عايز ينجح ويكبر بس كل واحد هيكون له طريق مختلف وهنفضل حبايب وصحاب، أحنا حاولنا وكان عندنا أمل أننا هننجح، بس هحاول أكتر مع مين اللهو الخفي، هو مش موجود ليا ولا أنا موجودة له، بس في الأخر محصلش نصيب وخلاص”.