«أنتي أم ولادي وحبيبتي».. لقاء الخميسي تكشف تفاصيل اعتذار زوجها وموقف أبنائها

تحدثت الفنانة لقاء الخميسي عن المواجهة مع زوجها وموقف المقربين منها في محنتها، مؤكدة أن أولادها كانوا الداعم الأول لها.

لقاء الخميسي في محنتها

وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «اللي وقف جنبي أهلي واتنين تلاتة من صحابي، لأن أنا كنت ساكتة وقافلة عليا الباب ومبتكلمش خالص ومش قادرة أتكلم مع حد.. وأخواتي كانوا بيكلموني على طول».

وعن أولادها، قالت: «ولادي وقفوا جنبي جدا.. دول رجالتي بجد، وقفوا في صفي وحبايبي وقفوا جنبي الحمد لله».

وعن تفاصيل الاعتذار الذي قدمه زوجها، قالت: «سألته أنت عملت كدة ليه؟ عشان لو أنت مش بتحبني كنت سبتني أو قولي أنا بطلت أحبك.. ما هو في ناس بردو بتزهق»، متابعة: «هو قال لي أنا بحبك وأنا آسف وغلطان..أنتي أم ولادي وحبيبتي».

صدمة لقاء الخميسي وخيانة محمد عبد المنصف

وأكدت لقاء أنها لم ترغب في معرفة أي تفاصيل عن الطرف الآخر، قائلة: «أنا مبحاولش خالص أسأل.. الطرف النهائي أنا مش عايزة أعرف حاجة عنه»، مختتمة أن الرصيد الكبير بينهما هو ما يفتح باب الحل: «لما نعوز نحل بنحل.. لسه لينا رصيد عند بعض كبير جدا، ولو حد قصر بنتكلم».

في سياق متصل، وتحدثت الفنانة لقاء الخميسي عن دهشتها من قدرة زوجها على إخفاء تفاصيل أخرى في حياته لمدة 7 سنوات، دون أن يترك ما يثير الشك أو يلفت الانتباه.

لقاء الخميسي ببرنامج أسرار

وقالت لقاء خلال لقائها ببرنامج «أسرار» المذاع على شاشة «النهار» مع الإعلامية أميرة بدر: «الناس بتقول قدرت تخبي 7 سنين؟ ده أنت جامد.. ده أنت فظيع»، متابعة واصفة حالته في البيت: «لكن هو مكانش بيغلط غلطة.. كان حنين وطيب وجميل.. ولا بان عليه خالص ولا غلط مرة غلطة ولا ريحة ولا تليفون ولا حاجات اللي إحنا بنشوفها في الأفلام دي».

وعن رد فعل الزوجات بعد قصتها، قالت: «القصة دي خلت ستات مصر كلها تمسك الموبايلات وتفتش.. وفي رجالة كتير دعوا عليا وقالوا فتحتي علينا حاجات مكنش عايزين نفتحها».