بعد مزاعم راندا البحيري بوقف مسلسل روح أوف بسببها.. بلال صبري يفجر مفاجأة|خاص
كشف المنتج بلال صبري في تصريح خاص لموقع “نيوز رووم”، عن حقيقة استبعاد الفنانة راندا البحيري من فريق عمل مسلسل روح أوف.
وقال بلال صبري: "إحنا مبدأناش تصوير ومعرفش مين موصلها الاقتناع ده"، وأوضح بلال أنه سوف ينشر بيان توضيحي بعد دقائق.
وقد نشرت راندا البحيري منشورًا عبر حسابها الرسمي على موقع التواصل الإجتماعي فيسبرك، وقالت: "مسلسل روح أوف اتوقف من غير سبب واضح، وبعدين رجعوا يصوروا من غيري، عرفتوا كان مين سبب المنع".
في سياق آخر، قد أعلن المنتج بلال صبري عن عودة تحضيرات مسلسل روح أوف، وذلك بعد تأكد الدكتور أشرف زكي نقيب المهن التمثيلية من عدم وجود أم جاسر في المسلسل، وذلك من خلال مقطع فيديو عبر حسابه الرسمي على موقع التواصل الإجتماعي فيسبوك.
وقال بلال صبري في حديثه: “بشكر كل اللي ساندني ودعمني، الدكتور أشرف جه من بدري وشاف المونتاج واتأكد أن مافيش أي مشهد لأم جاسر وقالي اشتغل، بس أنا قعدت مع بطل العمل منذر رياحنة والمؤلف والمخرج، واتفقنا أننا نعمله بعد رمضان وفي منصة كويسة كلمتني أنها تعرضه عشان زحمة رمضان، فهننزل بمسلسل واحد وهو الضحايا إخراج حاتم صلاح الدين، بشكر أمي اللي بتدعيلي في كل فجر، وفي أي محنة بتجيلي بقف تاني بسبب دعوتها”.
وعن فيديو الناس الشماتين، قال بلال صبري: “لما قرار وقف المسلسل طلع أنا اتفاجئت زيي زيكم، واتفاجئت من كم الناس اللي بعتالي على الواتساب وبتقولي أحسن عشان مخدناش معاك سواء ممثلين أو مؤلفين وناس أنا معرفهاش، في البلاء مافيش شماتة يا جماعة، هتاخدوا ايه من الدنيا ولا أي حاجة، أنا مش فارق معايا خالص، الواحد شغال عشان يفتح بيته بس، سامحوني ومش عايز حد يزعل أنا مش بحب كده واتضايقت من نفسي بعده".
