«خناقة تنتهي بمفاجأة».. طلاب يحولون الشجار إلى احتفال بعيد ميلاد معلمتهم
في مدرسة، قام مجموعة من طلاب المرحلة الثانوية بتنظيم مفاجأة احتفالية لمعلمتهم، بعد أن تصرفت بشكل مدروس لتحويل لحظة شبه شجار إلى مناسبة إيجابية، مما عكس مستوى عالياً من الاحترام والانضباط لديهم.
الفيديو الذي انتشر سريعاً على مواقع التواصل الاجتماعي، وثق الواقعة يظهر الطلاب وهم يتصرفون بطريقة محسوبة، ويعكس القيم الاجتماعية والأخلاقية التي يتم تعليمها داخل المدرسة وخارجها.
وخلال الفيديو ظهر الطلاب وهم يتظاهرون بالشجار أمام المعلمة، الأمر الذي دفعها للتدخل بسرعة لحل الموقف، ومع اقترابها، توقف الطلاب عن تمثيل الشجار وتشكلوا حولها في دائرة صغيرة، ثم كشفوا عن مفاجأة عيد ميلادها.
تفاصيل الفيديو
وكتب حساب يحمل اسم أميرة فاروق على موقع التواصل الاجتماعي فيس بوك، قائلة: «ننسى بقى القرف اللى بقالنا فترة بنشوفه على السوشيال ميديا ونركز فى الجمال ده، ده ڤيديو لمجموعة طلبة عملوا نفسهم بيتخانقوا ولما مدرستهم شافتهم اتفزعت وجريت علشان تسلك بينهم ولما قربت عملوا حواليها دايره وفاجؤها بعيد ميلادها، شوف المسافة المحسوبة بينهم وبينها وشوف نظراتهم ليها وهى لابسه لبس معتدل يناسب كونها معلمة وفى نفس الوقت ميمحيش أنوثتها، حاسه وسطهم إنها فى أمان، كلهم أجمعوا على إنهم يفاجؤها ويحتفلوا بعيد ميلادها ويعبروا عن حبهم ليها».
أضافت: «السؤال هى عملتها إزاى خلت شباب فى سن المراهقة يحترموها وميبصولهاش أى بصه وحشه ويحبوها وميشوفوهاش ست فى مرتبة أقل منهم، محتاجين نجيب أهالي الولاد دول يقولولنا عملوا إيه علشان ولادهم يبقوا بالاحترام ده».
تابعت: «فى آخر الڤيديو المُدرسة ملقتش أى حرج فى إنها تحضن واحد من الطلبة علشان عارفه هى بتتعامل معاه أزاي من الأول وعارفه إنه محترم وعارف حدوده، يا ريت دى النماذج اللى نفضل نشوفها طول الوقت ».
