رنا طارق زوجة محمود حجازي: اديتوا بالدولار وكنت بلاقي ملابس نسائية في شقتنا

حلت رنا طارق زوجة الفنان محمود حجازي، ضيفة في برنامج "البصمة"، الذي يقدمة الإعلامي تامر عبدالمنعم، المذاع عبر شاشة قناة "الشمس".

وقالت رنا طارق:"هو قالي ظروفي المادية مش أحسن حاجة واتجوزته عشان حبيته، وقررت أساعده ماديًا، وبعد الجواز بعت دهبي عشانه، بس حياتي معاه كانت فيلم رعب".

وأضافت رنا طارق، قائلة :"صرفت عليه 7 ملايين و500 ألف جنية، وكنت بديله فلوس بالدولار لما بنزل مصر".

وتابعت رناطارق، قائلة: "اكتشفت إنه لا يستطيع أن يكون زوجًا أو أبًا"، فيه بنات كتير بعتولي إن محمود حجازي بيكلمهم، وكان بيقولهم إني طليقته".

وأكملت رنا طارق، قائلة: "كنت بلاقي ملابس نسائية في شقتنا بالشيخ زايد وكان بيقولي إن دي حاجاتي، وفي فنانيين تواصلوا مع والدي لإنقاذي منه".

محمد حجازي: كفايا كدب

وفي سياق متصل، علق محمود حجازي، على أزماته الأخير عقب إخلاء سبيله في قضية اغتصاب فتاة، عبر حسابه الرسمي على "إنستجرام"، قائلًا: "احنا منعرفش الخير فين وليه بيحصل كل ده ؟ أكيد ربنا ليه حكمة والحقيقه هتبان هتبان وساعتها هبقي ضامن حقي في الدنيا زي ما ضامن حقي في الآخرة".

وتابع محمود حجازي، قائلًا : "كفايا كدب ده انتوا حتي بتكذبوا في الشهادة العلمية وبتقولوا دكاترة فين طيب الدكتوراة دي؟، وهي كدبة بتحاولوا تداروا بيها عن نقصكم، إنتم فاضيين ولا تعموا غير على أذيتي وكل من حولي".

وأردف محمود حجازي، قائلًا: "مهما عملتوا مش هتنازل عن منع سفر ابني اللي أنا محروم منه ولحد دلوقتي أبويا وأمي لسه ماشفهوش خالص من ساعه ما أتولد وبقى عنده سنة ونص وبقاله في مصر 5 شهور، ربنا موجود وأنا أقوى من أي حاجة علشان معايا الحق".

وأضاف محمود حجازي، قائلًا: "ومهما صرفتوا من حملات عشان تدمروني مش هتعرفوا ده تعب سنين ولو عايزين تتشهروا أصبروا لسه اللي جاي هيشهركوا أكتر، رغم كنت ساكت عشان خاطر ابني بس دلوقتي خلاص لازم الدنيا كلها تعرف حقيقتكم زي ما ربنا عارفها، إني فوضت أمري لله، وبجد اللي حصل ده علمني كتير أوي".

واختتم محمود حجازي، قائلًا: "شكرًا لكل حد سأل عليا أو قال كلمة خير في حقي، ولكل حد بيتكلم عن الموضوع وكأنه عايش معانا وبيأكد اتهامات من غير دليل، حسبنا الله ونعمة الوكيل لقاءنا قدام ربنا، أنا واثق في ربنا والقضاء المصري وحقي هيرجع بالقانون".