تامر أمين لـ محمد رمضان: «السبق والريادة مكتوب باسمك.. أول حد دخل بيت ترامب»
قال الإعلامي تامر أمين: «نمبر وان، عجبه الكلمتين اللي أنا قولتهم، واتمزج وانبسط، ومحمد رمضان بعد ما نزل جزء من الفيديو كليب مع بنت الرئيس الأمريكي ترامب، وقالي يا تامر يا أمين مفيش مبروك ولا ايه، وأنا امبارح قولتله مبروك وتستاهل وبرافو عليك واعمل نجاحات وشغل وكل فرحانين بيها، وكلنا معاك وبندعمك وبحبك»، مشيدًا بموهبته الفائقة في التمثيل والدراما والسينما.
تامر أمين يبارك لمحمد رمضان دخول بيت ترامب
و تابع أمين، خلال تقديم برنامج «آخر النهار»، على شاشة «النهار»: «محمد رمضان خد الفيديو بتاع حلقة امبارح ونزله على صفحته على الفيسبوك، وعلق عليه وكتب وعشان خاطر عيونك هحاول أنزل الكليب النهاردة، ويارب الكليب والأغنية يعجبوا الناس، ورسالتي من الاغنية دي للعالم ان لما تشوفوا اي اغنية في المستقبل الصورت في بيت الرئيس الأمريكي بجد.. ابقوا افتكروا ان اول واحد عملها كان مصري اسمه محمد رمضان.. وثقة في الله دي مجرد بداية للنجاح المصري المرعب القادم».
ورد تامر أمين على بوست محمد رمضان، قائلًا: «أنا مبخافش غير من كلمة المرعب القادم.. ربنا يستر وميبقاش مرعب علينا، في كل الأحوال السبق والريادة مكتوب بإسمك أنك أول دخل بيت الرئيس ترامب وعمل أغنية من لارا بنت الرئيس الأمريكي دونالد ترامب، برافوا عليك وسنحكم عليه كعمل فني، وهو عمل فني سياسي طالما اسم ترامب موجود في الموضوع، ومبروك لمحمد رمضان أنه دخل الرئيس الأمريكي وليك عشم وبتتعشى معاهم ابقى كلمة وقوله عايزين شوية هدوء وأبو حنان يهدى شوية على العالم، عشان احنا مش ناقصين».
أثار الإعلامي تامر أمين جدلا بعد تعليقه على إعلان الفنان محمد رمضان تعاونه الغنائي مع لارا ترامب، ابنة الرئيس الأمريكي دونالد ترامب، مشيدا برمضان خلال حديثه، ما دفع الأخير إلى الرد عبر حساباته على مواقع التواصل الاجتماعي.
تامر أمين لـ محمد رمضان: تستاهل يا ابني
وبدأ تامر أمين حديثه بتهنئة للفنان محمد رمضان وذلك خلال برناجه «آخر النهار» المذاع على شاشة «النهار»، قائلا: «مبروك يا سيدي والله مبروك من قلبي وفرحت لك ومبسوط لك والحقيقة تستاهل».
وتطرق أمين إلى البوست الذي نشره رمضان مع لارا ترامب، معلقا على الجملة التي استخدمها الفنان: «ابن الجيزة البار مع لارا ترامب بيضرب نار»
وتابع أمين: «أنت عارف إن أنا طول الوقت بشيد بفنك وبتمثيلك.. وأنا بشوف قيمتك وموهبتك الجبارة في التمثيل.. يا راجل أنت لما بتكح في الدراما، الوطن العربي كله بيقعد يتفرج، واسأل جعفر العمدة، لما بتكح بس في الدراما الوطن العربي بيقعد كله هوس يتفرج».
