أحمد بتشان يكشف سبب غيابه عن دراما رمضان: اختفيت عشان مليش في جو الشلالية
بعد نجاح باهر للمطرب أحمد بتشان، في مسلسل "الأسطورة"، من خلال أغاني العمل الدرامي الذي عُرض في 2016، تفاجأ جمهوره باختفائه عن المشاركة في الموسم الدرامي الأشهر في مصر والوطن العربي.
وبعد تساؤلات كثيرة حول سر اختفائه، قرر أحمد بتشان الكشف عن السبب وراء الاختفاء المفاجئ، عبر حسابه الرسمي على موقع التواصل الاجتماعي "فيسبوك".
وكتب أحمد بتشان، قائلًا: "دي أول مره اكتب بوست زي ده عشان ف ناس كتير جدًا بتبعتلي أنت مش عامل حاجة لية في رمضان وإن أخر حاجة عملتها كانت في أهم مسلسل حصل في رمضان وكان مسلسل الأسطورة لنجم محمد رمضان".
وأضاف أحمد بتشان، قائلًا: "ده كان من 10 سنين والحمدلله الأغاني لحد دلوقتي الناس بتسمعها وبتحبها وبتطلب مني في كل حفلاتي و هما خلصت خلاص و راح".
أحمد بتشان: اختفيت عشان مليش في جو الشلالية
وأكمل أحمد بتشان، قائلًا: "وهنا مبقتش عارف فين المشكلة إني مش موجود مع العلم إني الحمدلله موجود طول السنة بأغاني والحمدلله الأغاني بتعمل نجاح كبير و ده فضل من ربنا عليا بس أنا بقول ممكن عشان ماليش في جو الشلاليه".
واختتم أحمد بتشان، قائلًا: "حقيقي مش عارف بس البوست ده رد للناس المهتمه تعرف أنا مش موجود لية، معلش طولت عليكم،وطبعًا كله بيجي في وقته، والحمدلله علي كل شئ".
وطرح مؤخرًا أحمد بتشان، أغنية "أول ليلة فراق"، كلمات أحمد عبدالعزيز، ألحان وتوزيع ومكساج وماستر يوسف حسين، وحقق منها نجاحًا كبيرًا عقب طرحها عبر موقع تبادل الفيديوهات الشهير "يوتيوب".
