شوبير يكشف التفاصيل: الأهلي أغلق الباب أمام عروض مصطفى شوبير
كشف الإعلامي الرياضي أحمد شوبير عن تلقي نجله مصطفى شوبير، حارس مرمى النادي الأهلي، ثلاثة عروض رسمية خلال الفترة الماضية، مؤكدا أن إدارة القلعة الحمراء تمسكت ببقاء اللاعب ورفضت مناقشة أي عرض يتعلق ببيعه أو إعارته.
وقال شوبير في تغريدة له عبر منصة «إكس»: «مصطفى شوبير حارس مرمى الأهلي جاله 3 عروض رسمية، الأول كان من وكيل أسباني وجلس في محاولات مع محمد يوسف لمدة 3 ساعات والرد كان شوبير ليس للبيع، ثم قبل بداية الموسم جاء عرض آخر من نادي الخلود السعودي بخطاب رسمي للنادي الأهلي وكان نفس الرد الموضوع مقفول».
وأوضح: «وفي الانتقالات الشتوية الأخيرة جاء عرض آخر إعارة لمدة 6 شهور مقابل رقم كبير جدا للحارس وكان الرد من الأهلي شوبير ليس للإعارة أو البيع، واللي أقدر أقوله في الآخر مصطفى شوبير أهلاوي ابن أهلاوي وأسرته تدين بالفضل بعد الله للنادي الأهلي، وإن الواحد يفكر في مستقبله وحياته أمر طبيعي».
شوبير: ابني أهلاوي ابن أهلاوي.. وعقده أقل من 5 ملايين جنيه
رفض الإعلامي أحمد شوبير ، السكوت عن القضية المنتشرة على السوشيال ميديا بشأن مستقبل نجله مصطفى شوبير مع النادي الأهلي، مع اقتراب انتهاء عقد الحارس مع القلعة الحمراء بنهاية الموسم الجاري 2025-2026.
شوبير يكشف الحقائق على الهواء
وقال أحمد شوبير خلال برنامجه الناظر على قناة النهار:" الكلام دا اول و اخر مره هتكلم فيه، لم يحدث اي كلام مع مصطفي شوبير من الكلام المنتشر طول اليوم بشأن التجديد مفيش اي كلام رسمي اطلاقا، القصه كلها ان مصطفي شوبير اقل عقد ف النادي الاهلي حتي اللي قالوا بياخد ٥ مليون جنيه علشان ابوه ف مصطفي عمره ما وصل عقده ف الاهلي ل ٥ مليون جنيه".
وأكمل الإعلامي أحمد شوبير حديثه وكشف الحقائق قائلا :" الكابتن خالد بيبو من سنتين كان فاتحه في التجديد و محصلش جلسه و مرت الأيام و كابتن محمد يوسف فاتحه و برضه محصلش جلسه و الكلام اتقفل و اللاعب مركز و بيتمرن و بيشوف ماتشاته و مش مركز مع اي حاجه تاني، مصطفي موقع مع وكاله إسبانية الناس قعدوا مع كابتن محمد يوسف قبل الموسم و سألوه عاوزين كام رد كابتن يوسف قال النادي ايه و هما قالوا لا مفيش حاجه اسمها نادي ايه انت قول الرقم واحنا معانا انديه كتير ف بعد ٣ ساعات كاملين كان رد محمد يوسف مصطفي شوبير ليس للبيع".
وواصل أحمد شوبير نجم حراسة مرمى الأهلي السابق حديثه عن مستقبل نجله مع الأهلي قائلا:" بعد كدا تم ارسال عرض رسمي من نادي الخلود ل ضم شوبير عاوزين كام اعاره او بيع و النادي رد عليهم مصطفي شوبير مش للاعاره ولا للبيع و القصه مقفوله، مصطفي اهلاوي ابن اهلاوي و عقده ممتد حتي نهايه الموسم القادم و تحت امر الاهلي لكن الحقيقه ان كل الكلام اللي بيتقال من امبارح غير صحيح تماما و مفيش اي كلام مع مصطفي ولا تمديد و لا حتي ترضيه اللي انا اساسا مش بحيها يعني برضه كان حصل من سنتين تلاته قالوا ترضيه و محصلش و عادي لان اساسا انا شايف ان مفيش حاجه اسمها ترضيه لأي لاعب انت لاعب موقع علي عقد تلتزم بيه، اذا دي قصه مصطفي شوبير من الالف للياء".
