شوبير يشيد بضياء رشوان عقب تصريحاته عن الوعي في الإعلام الرياضي

أبدى الإعلامي احمد شوبير سعادته عن تصريحات ضياء رشوان ، وزير الإعلام الجديد، وذلك عبر برنامجه الناظر، و الذي يتم بثه على قناة النهار.
و قال شوبير : سمعت تصريحات دكتور ضياء رشوان و لازم هنا اقف عند نقطة مهمة لازم يكون في وعي و بالتحديد في الإعلام الرياضي لازم تقدم للمشاهد حاجة مهمة هو إيه الهدف أو الفايدة من إني كل يوم بجيب لك اتنين تلاتة اربعة و دا يتكلم عن الأهلي و التاني عن الزمالك و دا يقول كذا علشان التريند و دا يرد عليه وهما هما نفس الأشخاص اتعرفوا خلاص ياريت في جديد ياريت دا مرة  في الشهر إنما دا بقي الإطار العام للبرامج و ضيف علي كدا أربع خمس أخبار غلط و انا عارف انهم غلط بس عاوز تريند طب المشاهد هنا استفاد إيه؟

و اختتم : أنا مش هقول انا أفضل الناس ومش هقول أنا مفيش عندي أخطاء كلنا عندنا أخطاء لكن في أمور تهم الناس من يومين كان معايا رئيس إنبي و النهارده رئيس الاتحاد و بكرا رئيس البنك الأهلي و نجيب المدربين الناجحين و المحللين الشطار إنما إيه الهدف من المشاحنات و المناظرات اللي عمال علي بطال؟ أعتقد الأمر محتاج إعادة نظر و توعية.