من فرشة الخضار إلى بذرة الأمل.. حكاية إنسانية بلسان جرجريره
في منشور مؤثر عبر حسابها على موقع فيسبوك، تحدثت منشئة المحتوى المعروفة باسم «جرجريره» عن موقف إنساني لاقى تفاعلًا واسعًا، بعدما أقدم أحد الأشخاص على إسعاد طفلين من أطفال الشارع من خلال الاهتمام بهما وتنظيفهما وحلق شعريهما، معتبرة أن مثل هذه الأفعال تترك أثرًا عميقًا في نفوس الأطفال قد يمتد لسنوات طويلة.
وقالت في منشورها عبر: "كواحدة عشت اغلب طفولتي في الشارع على فرشتنا في الخضار بكل فخر وأمتنان أحب اقول شكرآ للأنسان اللي أدخل السرور لقلب جابر بيه ورجل الأعمال مؤمن بيه".
وتابعت: "لما كنت صغيرة وبقعد على الفرشه وبشتغل عليها أكتر حاجه بعملها الفرجه عشان شارع يومي كان بيكون ميكس من ناس غريبة وناس زعلتني وناس أبتسمت لي".
وأضافت: "التأثير الأقوى كان للناس اللطيفة اللي مشترتش مني رابطه جرجير دي باعت لي ذكرى اعيش عليها اسبوع وانا سعيدة عشان حد عاملني بلطف حد جابلي شوكولاته من االي كنت بتفرج عليهم في المحلات وانا بوصل أوردرات".
وأوضحت: "لكن شخص قرر يغيرلي تفكيري ان الحلو أكتر من الوحش، شخص اشترى مني بس قالي كلمه افكر فيها لأنها دعم، وفي سني الحالي بثقة كبيرة بقول انا منستش من أحسن ليا في طفولتي على الفرشه ومنستش البنوته اللي اداتني كيس فيه حلويات عشاني ومش ناسية اللي سألني وانتي نفسك في أية وجبهولي فعلا الشخص ده بيصنع أنسان كان مرمي وسط قسوة وسرعة الشارع بيزرع جواه بذرة أمل هتكبر مع سنين عمره".
واختتمت حديثها: "زي جابر بيه ومؤمن رجل الأعمال مش هينسوا الشخص اللي قرر أنه يحسن بأعلى درجات الأحسان وهي بذرة الأمل اللي هتصنع شخصيات الأطفال دي كل ماتكبر هيعرفوا أن جزاء الإحسان إلا الإحسان هيحبوا يرسموا بسمة على وشوش أطفال تانيه عشان عمرهم مانسيوا فرحتهم هينشروا الخير هيحبوا يتغيروا للأحسن هيشوفوا الدنيا بعين الكرم، اليوم اللي عاشوا هيساوي دروس كتير ليهم باقي حياتهم، زي ماعشت على درس وفرحه عايشة بيها لحد دلوقت.. الحمدلله رب العالمين، والخير في أمتي إلى يوم الدين".
