بقصة مؤثرة.. إسعاد يونس تكشف عن رأيها حول قانون التبرع بالأعضاء

دعمت الفنانة إسعاد يونس، مقترح التبرع بالأعضاء بمجلس الشيخ، عبر حسابها الشخصي على موقع التواصل الاجتماعي "فيسبوك".

وروت إسعاد يونس، قصة لإحدى أصدقائها، قائلة:" من أكتر من 32 سنة صاحبتي الأنتيم، جوزها الأنتيم برضه جاله فشل كلوي، وبدون الدخول في التفاصيل اللي شفناها كلنا في مسلسل "لا ترد و لا تستبدل" ربنا وفقهم لمتبرع ابن حلال وتم زرع الكلية لصاحبي اللي استرد بيها حياته وكلنا استرديناه برضه".

وتابعت إسعاد يونس، قائلة :"تدور الأيام وتمر خمس سنين، وربنا يختار الشاب المتبرع في حادثة عربية، الأسرة حزنت علي الشاب لأنه كان فعليًا أصبح فرد من العيلة، لكن كلية هذا الشاب عاشت مع صاحبي تلاتين سنة".

وأضافت إسعاد يونس، قائلة :"تلاتين سنة والأسرة دي بتستمتع بوجود صاحبي زوج وأب و إنسان فاعل في المجتمع".

واختتمت إسعاد يونس، قائلة :"العبرة من الحكاية إن صاحب الكلية مات بعد خمس سنين من تبرعه، لكن كليته أحيت أسرة تانية خمسة وعشرين لحد نهاية عمر صاحبي بشكل طبيعي، يا تري المعني وصل؟، و إلا محتاجين ترجمه؟".

إلهام شاهين عن التبرع بالأعضاء: الشخص اللي بيتبرع مش خسران حاجة

وفي سياق متصل، كشفت الفنانة إلهام شاهين، عن رأيها في التبرع بجلدها وأعضائها بعد وفاتها، مشيرة إلى أن وصيتها تحتوي على ذلك.

وقالت إلهام شاهين، في تصريحات خاصة لـ "نيوز رووم": "ده شئ جميل والشخص اللي بيتبرع مش خسران حاجة، بالعكس ده بيعمل خير، وأنا مهتمة بالموضوع ده جدًا".

وأردفت إلهام شاهين، قائلة: "طالبت كتير إن الدولة والحكومة تهتم به ونعرف إيه المسار الطبيعي اللي نعمله بعد الوفاة ؟".

وأكملت إلهام شاهين، قائلة: "أنا مثلًا لو توفيت وأهلي عارفين إني عاملة وصية إني أتبرع بأعضائي المفروض يعملوا إيه ويروحوا فين ؟، ده السؤال ؟ فا لازم يبقى فيه قرارات سريعة وده موجود في كل العالم المتحضر .. فإزاي ميبقاش موجود في مصر؟".

وكانت النائبة أميرة صابر قنديل، عضو مجلس الشيوخ عن تنسيقية شباب الأحزاب والسياسيين والحزب المصري الديمقراطي الاجتماعي، باقتراح برغبة موجه إلى وزير الصحة والسكان، دعت فيه إلى إنشاء بنك وطني للأنسجة البشرية، وتبسيط إجراءات التبرع بالأنسجة بعد الوفاة، في إطار السعي لإيجاد حلول جذرية ومستدامة لأزمة علاج مصابي الحروق في مصر.