مروة صبري تعلق على واقعة تحرش الأتوبيس: لماذا يتخفي البعض وراء الدين؟

علقت الإعلامية مروة صبري على واقعة فتاة الأتوبيس المتعرضة للتحرش، والتي سبّبت حالة من الجدل على مواقع التواصل الاجتماعي، بعدما شاركت الفتاة فيديو لشاب حاول التحرش بها.

وقالت صبري في منشور عبر موقع التواصل الاجتماعي "فيسبوك": "انا هقول كلمتين ابرك من مليون، طبعا كلنا شوفنا قصه الراجل و البنت اللى كانوا ف الاوتوبيس و اللى صورته و قالت انه اتحرش بيها و بيحاول يضايقها بقاله فتره، وكالعادة السوشيال ميديا مقسومه نصين ما بين ان البنت استفذته و ان الراجل معملش حاجه الا لما هيا غلطت فيه الاول والرأى التانى بيقول ان الراجل اتحرش بيها فعلاا.

وتابعت: "طيب هو ده دلوقتى اتقبض عليه و بيتحقق معاه و الحقيقه هتظهر، ولكن عندى سؤال و ارجوكم حد يرد عليا رد منطقى اقتنع بيه، ليه الناس اللى بتدعى انها متدينه ابعد ما يكون عن الدين، ليه لما حد بيتصور و هو بيعمل كارثه يقول اصلكوا ملكوش ف الدين، ليه الراجل اللى ماسك سبحه أطول منه ف الاوتوبيس و شايف البنت بتصرخ و بتستنجد بيه مهزش طوله و دافع عنها او على الاقل خلص الموضوع، ليه الست المحجبه اللى قاعده جنب الراجل اللى ماسك سبحه كانت ساكته و حتى مقالتش للمتحرش عيب كده دى بنت، لييييه بتستخبوا ورا عبايه الدين ياللى مبتنفذوش ابسط أمور الدين، ليه ليه ليه".

القصة الكاملة لواقعة فتاة الاتوبيس

شاركت فتاة تدعى "مريم شوقي" منشور على صفحتها الخاصة على موقع التواصل الاجتماعي فيس بوك تتهم فيه شاب بالتعرض لها بالتحرش، مؤيدة ذلك بمجموعة من الفيديوهات التي التقطتها للشاب بعدما تحرش بها.

وعلقت على المنشور، أنا تم التحرش بيا، ومحاولة سرقتي على سلم البارون وأنا رايحة شغلي، والشخص جيه ورايا والاتوبيس كله حاول يداري عليه.

وأضافت، أنا مش هستنى أكون ضحية زي كل بنت راحت بسبب شخص مريض، وطلبت من المتابعين مشاركة المنشور ومساعدتها للحصول على حقها.

لم تظهر الفيديوهات تحرش الشاب بالفتاه، ولكنها أظهرت الاشتباك بينهم بعد اتهامها له بالتحرش ومحاولة سرقتها، واتهام الناس بأنهم يحاولون حمايته، لذلك قامت الفتاة بالتصوير لإثبات الحالة.

ويظهر الشاب في الفيديو بمنتهى الهدوء وهو يقف بعيد عن الفتاه بابتسامة ساخرة على انفعالها، فقط علق على كلامها أن ما ترتديه لا يعطيها الحق في التحدث. قائلاً: اللبس اللي أنتِ لبساه ده يا قليلة الأدب.. دين إيه اللي بتتكلمي عليه.

حاول الشاب التهجم على الفتاة وأخذ الهاتف منه ولكن دون جدوى، تمكنت الفتاة من التقاط المقاطع ومشاركتها على صفحتها الخاصة.

رد الشاب المتهم بالتحرش

لم تنتهي الواقعة عند هذا الحد، شارك الشاب المتهم بالتحرش هو الأخر فيديو له للرد على الاتهامات الموجه له، متهم الفتاة بأنها مريضة نفسية وأنه لما يقترب منها لأي سبب سواء السرقة أو التحرش.

قائلاً: "البنت واقفه كان بيني وبينها متر ونص، مرة واحده لقتها بتقول أن أنا متحرش وحرامي، والكمسري كان معدي قالها يا بنتي معملش فيكي حاجة ده بعيد عنك قالتله ده من زمان سرق مني 200 جنيه". وأضاف: "الناس افتكرتها مش طبيعية"

وعلق الشاب على حديثه عن لبس الفتاة، أن السبب هو إحدى الركاب الذي أخبر الفتاة أن الدين بريء منها بعد ما قالت “وديني “، مما دفعه لقول ”إنتِ تعرفي إيه على الدين باللي أنتي لبساه ده”.

وناشد الشاب خلال الفيديو، وزارة الداخلية بالتدخل وإظهار الحق، وأخذ حقه من الفتاه لأنها شهرت بيه وجعلته غير قادر على التعايش بين الناس.

القبض على الشاب

خلال ساعات، استطاعت وزارة الداخلية إلقاء القبض على الشاب، وبمواجهته أنكر إرتكابه الواقعة، أو سابقة تقابله مع المجنى عليها، وتم إتخاذ الإجراءات القانونية، وتولت النيابة العامة التحقيق.