بعد رده على الطفل الذي تعرض للتنمر.. تامر حسني يوجه رسالة للآباء
وجه المطرب تامر حسني رسالة خاصة جدًا للآباء، خاصة بعد انتشار ظاهرة التنمر في المدارس، وذلك من خلال منشور عبر حسابه الرسمي على موقع التواصل الإجتماعي فيسبوك.
رسالة تامر حسني للآباء
وقال تامر حسني في رسالته: “حقيقي الولد الجميل ده فاجئني بالسؤال المهم ده، أتمنى كل بيت و كل عيلة و كل مدرسة و جامعة تعلم أولادها إنهم بجد ما يتريقوش على أي طفل أو أي بني آدم مختارش ظروفه، يعلموهم كمان إزاي يتصدوا للموضوع ده نفسياً، لأنه حقيقي موضوع مؤذي نفسياً جداً و بيعلم في عقول الأبناء لسنين طويلة و مش أي حد عنده قوة إنه يتخلص من الكلام اللي بيجرحه جواه عشان كده في فيلم تاج كنت بناقش الموضوع ده و كنت بحاول أوري الناس تاج شخصياً فكر فيه إزاي، و الحقيقة إني كنت بكتب حوار المشهد ده من قلبي لأن أنا شخصياً عانيت كتير نفسياً من تنمر كتير على فترات حياتي، في فترة في الصغر كنت رفيع فيها أوي، فترة غاب فيها الأب بس ربنا كرمني و رجعهولي تاني في حضني بعد سنين طويلة و في فترة طويلة عانيت فيها من الفقر المادي، و فترة تعب مستمر في مستشفيات و كل فترة بيكون ليها آثار على الشكل و المظهر و النفسية و السلوك ممكن تخلي الناس اللي مش عارفة إيه القصص اللي ورا الناس تخليهم يتريقوا بدون علم، المهم إن أي حد في ناس بتتنمر عليه يقدر يستخدم طاقتهم الوحشة دي كوقود حرق زي البنزين يخليه يقوم يشتغل أكتر و يصمم ينجح رغم ظروفه عشان يبقى بطل في قصة حياته”.
سعادة تامر حسني بلقب نجم السنة
وقد أعرب الفنان تامر حسني عن سعادته بحصوله على لقب نجم السنة عبر تطبيق التيك توك، وذلك من خلال منشور عبر حسابه الرسمي على موقع تبادل الصور والفيديوهات إنستجرام.
وقال تامر حسني معلقًا: “أنا فعلاً فخور إني استلمت لقب نجم السنة على تيك توك، كون الاعتراف ده حصل في دبي بيخلي اللحظة دي مميزة أكتر، شكراً لتيك توك، ولكل فانز بتوعي، المكسب ده لينا كلنا”.
