شريف سلامة: الأهم من التربية إني أكون نموذج لولادي

تحدث الفنان شريف سلامة عن ابنيه والصفات التي اكتسبها كل منهما منه.

وقالت إسعاد يونس لـ شريف سلامة:ما كنتش أتخيل إنك مع نفسك كده أوى يا شريف.. و طيب أوى كده غير لما اشتغلنا مع بعض فى كامل العدد

ورد الفنان شريف سلامة وقال :"من أنا صغير بحب كده واكتشفت إن الحياة مش مستاهلة خالص إنى أشيل من حد أو أعمل مشكـلة مع حد عشان سمعت حاجة من حد مثلا.. طب ليه أى شخص هتعامل معاه هيبقى بناء على اللى هيقدمهولي وسامح وأتقبل كل شئ".

من اللحظة دي قلت إني همثل.. شريف سلامة يتحدث عن بداية مشواره الفني

وسألته إسعاد ما إذا كان يتعامل مع أبنائه بنفس الهدوء: إنت حتى مع 9لادك لما بتاخد موقف بتبعد فى هدوء؟

ورد سلامة: “لأ معاهم معرفش ببقى عايز أعمل كده بس مش بقدر وبضعف فصاد الاتنين، وسيبك من اللى بيقول البـنت حبيبة أبـوها و الكلام ده.. بنتي طبعا حبيبتي لكن أنا الاتنين عندي زي بعض معنديش جانب مفضل لحد منهم حتى أنا بستـغرب الموضوع ده فيا لكن سليم حبيبى زيها بالظبط”.

وعن الصفات التي تشبهه وتشبه والدتهما داليا مصطفى رد شريف سلامة: “سليم زيى وسلمى فيها مني والاتنين بردو فيهم من داليا وبردو كل واحد بيكـون شخصيته والأهم من التربية إنى أكون نموذج كويس ليهم وقدامهم وأعمل قدامهم الحاجات اللى يحبوا يعملوها وأفكر قدامهم بالشكل اللى يحبوا يشوفوه فا إحنا بنبقى قدوه بأفعالنا اللى بنعملها قدامهم”.