بعد أزمتها مع مها نصار.. مها سليم تشيد بالفنانة هند صبري
خرجت المنتجة مها سليم عن صمتها لتشيد بالفنانة هند صبري وبجدعنتها، جاء ذلك بالتزامن مع أزمتها مع الفنانة مها نصار بسبب بوستر مسلسل مناعة، وذلك من خلال منشور عبر حسابها الرسمي على موقع التواصل الإجتماعي فيسبوك.
مها سليم تشيد بـ هند صبري
وقالت مها سليم في منشورها: “من كام شهر الفنانة والنجمة الكبيرة هند صبري كلمتني وكان بقالنا فترة ما انكلمناش وبالصدفة رديت عليها وكنت منهارة لأن بنتي كانت تعبانة جدا وكنت بدور على دكتور وفي دقايق قلبت الدنيا وكلمت الدكتور ووصلتني بيه، ومش بس كده كلمتني تاني يوم تطمن بعد ميعاد الدكتور، ومش بس كده فضلت كل كام يوم وخلال الكام شهر اللي فاتو وفي وسط شغلها وبيتها والتزاماتها بتبعت لي تطمن علي بنتي كأنها فرد من عيلتها وأحنا مافيش بينا شغل ولا أي مصالح، هي دي البني أدمة الإنسانة واللي ورا النجمة الكبيرة اللي اسمها هند صبري، وعلشان كده أنا بقول لها انتي دايما في قلبي وعلي راسي أنا وبنتي، وبتمني لك من كل قلبي نجاح كبير جدا كالعادة لـ مسلسلك، واتمني للمخرج المحترم الخلوق حسين المنباوي النجاح الكبير”.
مها نصار تثير الجدل
وكانت قد أثارت الفنانة مها نصار جدلًا واسعًا بالأمس، بعدما خرجت في رسالة غامضة إلى إحدى الشخصيات، بعد انتشار أنباء خلافها مع إحدى الفنانات خلال لوكيشن التصوير.
وكتبت مها وقتها عبر ستوري حسابها الرسمي على موقع تبادل الصور والفيديوهات إنستجرام : “أنا ممكن أسامحك علي سواد قلبك وغيرتك وحقدك .. لأن ده يخصك لوحدك .. لكن تتطاولي عليا وتردحيلي قدام الناس .. وتحاولي طول الوقت تقلي مني وتكسريني وتقلي أدبك عليا .. ده مستحيل أسامحك عليه أبدًا مهما كانت النتيجة .. مع العلم إني اشتكيت لكل الناس وشفوها”.
وأكملت : "بقالي أكثر من شهرين ساكتة .. والكل عمل نفسه مش واخد باله .. أنا ماليش في كلمة كل عيش وأعمل نفسك مش واخد بالك .. لأن العيش من غير كرامة ده قلة قيمة".
ياريت يا هند تبطلي تعملي حملات عليا أنا وهدى
كما فاجأت مها نصار متابعيها عبر حسابها الشخصي على فيسبوك، حيث شاركت نفس المنشور مع وضع أسماء به، حيث كتبت : "ياريت يا هند تبطلي تعملي حملات عليا أنا وهدى .. لأن هدى مش طرف في المشكلة".
