عمرو أديب: فرخة أو كيلو بانيه جائزة لمن يذكر دولة حولنا فيها جشع تجار
انتقد الإعلامي عمرو أديب، جشع التجار في ليه السلع الاستهلاكية للمواطنين، حتى في ظل انخفاض سعرها الأساسي.
الجشع في مصر فقط
وقال عمرو أديب، خلال حلقة اليوم من برنامج «الحكاية» المذاع عبر شاشة أم بي سي مصر: «فرخة أو كيلو بانيه جائزة لمن يذكر دولة حولنا فيها جشع تجار.. مش هتلاقوا، احنا بس»
وتابع: «اذكر أي دولة حوالينا فيها جشع التجار ده مفيش خالص، اذكر أي دولة فيها الكلمة دي، مفيش احنا بس اللي عندنا جشع التجار بالشكل ده!
وأضاف: «إيه السبب؟ إنت جاي على بلد فيها 120 مليون نسمة، و60 أو 70% ما بيعرفوش يوصلوا للبروتين، وإحنا بنعمل حفلة على الفرخة، هي الفرخة بتقعد قد إيه؟ أول ما تطلع من السلق خلاص بتخلص، ويا عيني الأم بتتبقى لها الرقبة، وإحنا بنعمل حفلة على الفرخة».
ماذا ستفعل الحكومة
وأردف: «أنا مش هقول الحكومة لأنها هتعمل إيه، التاجر حاليا محدش يقدر يقول له الفرخة بكام، وبيبيعها زي ما هو عايز، وبيقول ابعدوني عن وجع الدماغ، أنا حر، بس إنت لو تاجر ذكي، مش هتعمل كده، لإن هتوصل لمرحلة محدش هيشتري، وهتقعدلك، يا جماعة، اعقلوا، الرحمة يا جماعة، الحلال والحرام».
واختتم قائلا: «عندي الحل، لكن مش قادر أقوله دلوقتي بس لو قلبنا جامد شوية، كنا هنخلي الفراخ عنده، لكن مش عايز أوصل للمرحلة دي، بس لازم اوجه رسالة للتجار قبل رمضان اتلموا».
قال الإعلامي عمرو أديب إن ملف الخبز في مصر يعد قضية تاريخية بالغة الحساسية، مؤكدا أنه عمل على هذا الملف لسنوات طويلة منذ عهد الرئيس الراحل محمد حسني مبارك وما بعده، وشهد العديد من الأزمات والخلافات المرتبطة باستيراد القمح.
أول أو ثاني أكبر الدول استيرادا للقمح
وأضاف، خلال حلقة اليوم من برنامج «الحكاية» المذاع عبر شاشة أم بي سي مصر: «موضوع القمح في مصر سلك عريان ومش سهل، ولازم نعرف إننا من أول أو ثاني أكبر دولة مستوردة للقمح في العالم، لأن عندنا العيش البلدي المدعم اللي بيعيش عليه أغلب المصريين».
وتابع عمرو أديب: «الدولة بتولي اهتمام بالغ برغيف العيش، ودايما بنشوف أي وزير أو محافظ ينزل بنفسه المخابز ويدوق العيش، ومصر هي الدولة الوحيدة اللي بتسمي الخبز عيش، يعني تعيش وده يوضح قد إيه اقتصاديات هذا الملف مهمة وحساسة جدا».
