«الجرجير له أصول».. ياسمين عز تقدم إتيكيت خاص لأكل الجرجير
قدمت الإعلامية ياسمين عز، نصيحة للطريقة الصحيحة لتناول الجرجير على مائدة الطعام.
وأضافت ياسمين عز، خلال برنامج «كلام الناس» المذاع على قناة إم بي سي مصر: « لما تاكلي الجرجير على السفرة متاخديش حزمة ولا كبشه كده تكبسيها وتحطيها في بوقك مرة واحده زي إنسان الغاب، ولكن كلي جرجير برقه جرجراية جرجراية وكلي الوريقات فقط وإرمي العود، العود مبتاكلش بيترمي».
جوزك مسحور يا شيماء
وفي سياق أخر، قالت الإعلامية ياسمين عز، للسيدات المصرية: «لما تكون ملوخيتك ساقطة ورزك شايط ومعجن متروحيش تقولي للناس ده جوزي بيعشقني ويعشق أكلي، ده بياكل صوابعه وراه، لا ده جوزك مسحور يا شيماء».
وأضافت عز، خلال حلقة من برنامج كلام الناس المذاع على قناة إم بي سي مصر: « لأنه الملوخية بتاعتك ساقطة وعبارة عن سائل مخاطي هلام بيمشي فيه حاجات خضرا لأنك بتجيبي ملوخية ناشفة من هنا عندنا».
وتابعت: « الست الأصيلة تخطف رجلها وهي صايمه للفيوم تقطف لجوزها أوراق الملوخية وترجع تطبخها سواء من الفيوم أو من إلمنيا أيهما اقرب اللي رجلك تجيبها».
رسالة إلى ربات المنازل
وفي سياق أخر، وجهت الإعلامية ياسمين عز ، رسالة إلى ربات المنازل، بشأن تفريزات وخزين شهر رمضان، مؤكدة أن الأيام الأخيرة تتوجه ربات المنازل إلى تفريز الطعام وتغليفها من أجل الاستعداد لشهر رمضان المبارك.
وقالت عز، خلال برنامج «كلام الناس» المذاع على قناة إم بي سي مصر: «أرجوكي يا شيماء بلاش توم في الأكل ليه كمية التوم اللي فرزتيها اليومين اللي فاتو دي كلها، خلصتي مخزون الأردن من الثوم، وهيستوردوا الثوم من بعدك يا شيماء».
وتابعت: «الدول المجاورة بقوا بيتريقوا علينا بسببك يا شيماء فأرجوكي كفاية ثوم في الأكل».
وفي سياق أخر، تحدثت الإعلامية ياسمين عز، عن التعديل الوزاري المرتقب، قائلة: «مين مكمل ومين ماشي في التعديل الوزاري الجديد، فيه أقاويل إن الدكتور مصطفى مدبولي، رئيس مجلس الوزراء مكمل وأنا مع استمرار الدكتور مصطفى مدبولي وإحنا عشرة و فاهمين بعض وكل الملفات بقت معاه وهو متحمل مسؤولية كبيرة الله يعينه الراجل اكيد مش بينام».
