ياسمين عز: ابعدوا عن البط والمحشي في أول يوم رمضان

قدمت الإعلامية ياسمين عز نصائح للسيدات المصرية في أول أيام رمضان، بشأن أكلات مائدة الإفطار. 

ودعت ياسمين عز، خلال حلقة برنامجها «كلام الناس» المذاع على قناة «إم بي سي مصر»، السيدات إلى الابتعاد عن الأكلات الدسمة المعتادة في اليوم الأول من الشهر الكريم، مثل البط والمحشي، مقترحة استبدالها بأطعمة بسيطة كالفول والباذنجان، معتبرة أن ذلك يعزز الشعور بمعاناة الفقراء والمحتاجين، ويتماشى مع روح الشهر الفضيل.

وتابعت عز: «في أول يوم رمضان بلاش تبقي تقليدية وتعملي بط ومحشي زي مصر كلها غيري وبدالهم اعمليلهم فول وبتنجان أول يوم عشان تخليهم يحسوا بالفقراء والمحتاجين». 

وأردفت ياسمين عز: «ولو جوزك قمر الدين زعل ممكن تزودي سمبوسك وشوربة ولقيمات وبس كده وتقوليله ده شهر عبادة مش شهر بط». 

وفي سياق أخر، قالت الإعلامية ياسمين عز: «الجو متقلب زي الست بالظبط، نصيحتي ليكي الصبح ما تلبسيش  وبالليل ما تقلعيش.. الجو لسا برد يا شيماء بلاش تتختخي في البيت من دلوقتي لسا شوية».

وأضافت عز، خلال حقلة اليوم من برنامج «كلام الناس» المذاع عبر شاشة إم بي سي مصر:«قبل ما الشتاء يخلص مشوفناش منك أكلة حلوة يا شيماء، جوزك ما شافش منك أكلة حلوة، اعملي لجوزك طبق أدوسية قبل ما الشتاء يخلص اعمليها انتي معملتيهاش من وأنت طفلة عندك عنده ٣ سنين وحطي عليها عسل».
وتابع: «أو اشتريها وسخنيها وقزقزي فيها انتي وجوزك بالليل، علشان جوزك يرضى عنك وربنا يرضى عليكي، لو مبتعرفش تعمليها اعملي رز بلبن أو كباية سحلب كله منك حلو».

وقالت الإعلامية ياسمين عز: «أخيرًا قفلنا موضوع لعبة روبلوكس اللي كان شاغل الأطفال وطول الوقت في كل مكان كانت شغلاهم، مش بس في مصر لا في الوطن العربي كله كمان، حقيقي معرفش ايه سر ارتباطهم بيها للدرجة دي».

ياسمين عز تعلق على حجب روبلوكس وتوجه رسالة للأمهات

وأضافت، خلال حلقة اليوم من برنامج «كلام الناس» المذاع عبر شاشة أم بي سي مصر: « الدولة عملت اللي عليها والقرار صدر رسمي ومجلس النواب حاليا بيحدد قانون علشان ينظم استخدام الموبايل للأطفال وكمان قفل مناصات تانية ضارة للأطفال زي منصات المراهنات، المسؤولين عداهم العيب بصراحة وعملوا اللي عليهم، لكن حاليا الدور على الأم انتي رمانة الميزان في البيت ركزي مع ولادك وأملي وقت فراغهم واقترحي أفكار وأشغلي أوقات الولاد بحاجة مفيدة وحقيقي الأهالي فرحانه بالقرار ده جدا، لكن لازم تشغلي وقتهم».