طبيب يحذر المصريين من تناول أقوى مضاد حيوي: كارثة وقد ينهي حياتك
حذر الطبيب هشام وجيه استشارى الجراحة العامة وجراحات الاطفال بالمستشفيات الجامعية، من انتشار مضاد حيوي قوي في مصر، مشيرا إلى الإفراط في تناولة ينذر بكارثة.
وقال هشام وجيه في منشور له عبر حسابه على فيسبوك: مصر لقت الذهب غلي فقالت تنهي العالم بنفسها، ده بقي مش مصيبة سودة تؤتؤ ده هيدودينا لنهاية العالم في صاروخ.
وأوضح استشارى الجراحة العامة أنه أقوي مضاد حيوي في العالم بنستخدمه للحالات المقاومة للمضادات الحيويه كمحاولة أخيرة.. طيب لو حصل والمريض بقي مقاوم للمضاد ده، مفيش أقوى منه إلا نوع أو اتنين في العالم كله، وبالتالي بيتم عزل المريض لحين وفاته!!
وأضاف: لو المريض عطى عدوى لحد من أهله أو من الفريق الطبي، الــ Who وهي منظمة الصحة العالمية بتقفل الدولة و بتعتبرها دوله في حالة وباء epidemic، ولو الحالات أنتشرت عن كده هيبقي وباء بدرجة اكبر pandemic ويفضل المرضي يتوفوا لغاية إشعار آخر.
وأكمل الطبيب هشام وجيه استشارى الجراحة العامة، لما وصل هذا المضاد الحيوي الخطير مصر، تمت تسميته ببرشامة البرد وويتم بيعه بالحباية.. لاحول ولاقوه الا بالله.
وتابع وجيه: هذا المنشور ليس للتخويف ولا الترهيب، ليس للذم في اخواتنا الصيادلة خالص، واللي اخد المضاد الحيوى ده مش هيحصله مشاكل لان كتيير جدا سالونى هيحصلي مشكله لو اخدته قبل كدة؟؟
وينفع يتاخد عادى بروشته وتحت اشراف الطبيب طالما موجود عدوى شديدة او مزرعة ثتبت ذلك
ولكن:البوست للتوعية والنشر للجميع حتى يستفاد الغير، وعشان لو لقيت غيرك بياخده للبرد ولا علشان صباعه كان فيه خراج أو اى عدوى بسيطة في جسمه تنصحه يمنعه لان انتشار المضاد الحيوى دة وبكثرة هيسبب مقاومة للبكتيريا ومش هيبقي ليه فايدة في اى عدوى بعد كدة.
