حسيت إني اتحررت.. أسما شريف منير تعلن عدم استخدمها لهارد جيل الأظافر

كشفت البلوجر وصانعة المحتوى أسما شريف منير، عن رحلتها مع الهارد جيل والعناية بأظافرها، وقالت في فيديو نشرته من خلال صفحتها الرسمية على “انستجرام”، قائلة. 

"بدأت أسمع الجملة اللي بتتقال كده بسهولة... بس بتقعد جوا ده ممكن يمنع الوضوء والصلاة " وتابعت: في الأول تجاهلت... بعدين لقيت نفسي بسأل سؤال وجعني

هو أنا برضي ربنا ... ولا برضي نفسي؟

فضلت فترة في شد وجذب… نفسي بتقول: دي حاجة بسيطة، ما تكبريش الموضوع. 

وقلبي بيقول بس لو في احتمال يبعدني عنه... ليه أكمل؟ وفي لحظة هادية... مش درامية ولا فيها بطولة لحظة صدق بس...

حسيت إن القرب من ربنا مش بيبان في الحاجات اللي بعملها" قد ما بيبان في الحاجات اللي بحبها ... وبعرف أسيبها عشانه.

وكنت فاكرة معنى بيطبطب عليا كل ما أتردد:
مش لأني بطلت أحبه ... بالعكس... سيبته وأنا بحبه. سيبته كأني بقول: يا رب... أنت أغلى.

أول مرة من غيره حسيت إني ناقصة حاجة... بس بعدها على طول حسيت بحاجة أكبر بتتملي: سلام.

النوع اللي بييجي لما تختاري ربنا على هواكي"... حتى لو الهوا كان حلو ومغري.

وبقيت كل ما أضعف... أفكر نفسي اتباع الهوى بيشبع لحظة ... بس طاعة ربنا بتطمن العمر كله. والأغرب إني لما قاومت رغبة دنيوية... ما حسيتش إني اتحرمت، حسيت إني اتحررت.