الستات يعلق على قرار منع لعبة روبلوكس من مصر نهائيا

علقت الإعلامية سهير جودة، عن قرار المجلس الأعلى لتنظيم الإعلام، بحجب لعبة «روبلوكس» في مصر نهائيا، قائلة: «دى رسالة قومة من المجلس إن الطفولة محتاجة رعاية، مش بس شاشة، وده قرار مهم، بيأكد إن سلامة الطفولة أهم من أي شاشة وأي لعبة».

خطوة نتؤكد الاهتمام بمصلحة الطفل

وأضافت جودة، خلال حلقة اليوم من برنامج «الستات» المذاع عبر شاشة النهار: «الخطوة دي بتأكد إن القلق اللي كان موجود في بيوت كتير اتسمع وتم التعامل معاه بجد».

ومن جانبها أضافت، مفيدة شيحة، أن هذه الخطوة تؤكد على اهتمام الدولة المصرية والمجلس الأعلى لتنظيم الإعلام بمصلحة الطفل المصري، مضيفة: «أحنا نقدر نعمل ده، لو أخدنا القرار ووصلنا صوتنا صح هناخد خطوة ونقدر نوقف لعبة بتيجي على مصلحة أولادنا».

شكر لكل صناع مسلسل لعبة وقلبت بجد

وأردفت: «ولازم كمان، نوجه شكر لصناع مسلسل لعبة وقلبت بجد، لأنهم نجحوا جدا في لفت الأنظار للعبة دي، ويظهروا هي إزاي بتأذي أولادنا».

وفي وقت سابق، أشادت الإعلامية مفيدة شيحة بالمسلسلات التي تعرض خارج السباق الرمضاني، مؤكدا أن مسلسلات هذا العام طرحت عدة قضايا شائكة للغاية وتهم كل بيت مصري.

لعبة وقلبت جد يناقش قضايا شائكة

وأشارت شيحة، خلال حلقت اليوم من برنامج «الستات» المذاع عبر شاشة النهار، إلى مسلسل لعبة وقلبت بجد، الذي يتناول فكرة ألعاب الأطفال الألكترونية التي تدفعهم لإقامة عدة أفعال بهدف كسب المال، كما هو في لعبة «روبلوكس» التي ظهرت في هذا المسلسل.

وأضافت: «الألعاب دي بجد ممكن يكون فيها حد متخفي بيغير صوته علشان يستغل الأطفال ودي حاجه مش أمان أبدا لازم لازم نتابع أولادنا، سيبك من كلام التربية الحديثه لازم تتابعي أولادك، لحد ما يتم تفعيل قوانين تمنع الأطفال من الدخول على التطبيقات والألعاب الخطيرة دي لازم نتابعهم طول الوقت ونشوف كل حاجه ».

الخطر محيط بالأطفال من كل مكان

ومن  جانبها، أضافت الإعلامية سهير جودة، هذه الألعاب غير آمنة على الأطفال أبدا ويجب على كل أولياء الأمور متابعة الأولاد حتى في وقت اللعب، لأن استخدامهم للهواتف الذكية وحدها تعد خطر على الأطفال.
وتابعت: «لازم يكون في قانون يمنع دخول إللى أقل من 16 سنه لكل ده، الخطر بقا في الموبايل مش في الشارع».