شوبير يؤكد أن الأهلي ليس ملكا لأحد ويكشف أسباب رحيله من قناة الأهلي
تحدث الإعلامي أحمد شوبير عبر برنامجه التليفزيوني “الناظر” على قناة النهار، عن دور كابتن وليد صلاح الدين " مدير الكرة بالنادي الأهلي، مطالبًا " محمود الخطيب" رئيس مجلس إدارة القلعة الحمراء بضرورة توفير كل سبل الدعم له في مواجهة الحرب الإعلامية الشرسة التي تُحاك ضده.
و أكد شوبير:" اللي بيتصدر دلوقتي إن شوبير مش بيحب إلا نفسه و عاوز مصلحته و من يوم ما مشي من قناة الأهلي و هو بقي بيضرب في الأهلي".
و تابع :" طيب هو انت مسألتش نفسك أنا مشيت من قناة الأهلي ليه أو ازاي هل إنت عندك معلومة؟ طيب أنا عاوز مصلحتي ف إيه؟ ايه هي مصلحتي عاوز أبقي رئيس نادي عاوز أبقي مدير كوره عاوز أدرب الأهلي عاوز أرجع ألعب تاني؟ ".
و أضاف :" ياريت بس و احنا بنتكلم و نكتب ونقول نعرف الحقيقة فين و انا هنا مفيش حد بيقولي أقول إيه و مقولش إيه أنا لما بتكلم في موضوع بفضل وراه لحد ما يتصلح و يتعدل طب انت تعرف في إيه ياللي بتقول شوبير عاوز مصلحته؟ أنا لو ببص علي مصلحتي هطبطب و اسكت علشان يجي ليا معلومة".
و أكمل شوبير :" الحمد لله بنعرف نجيب أي معلومة و مش محتاجين بفضل الله دا انا عملت لايف في قصة إمام عاشور جاب 30 مليون مشاهدة و الحمد لله كان كل المعلومات فيه صحيحة دقيقة تماما و جبنا المعلومات و كل واحد خد حقه و اتقال الدور بتاعه اللي قام بيه".
و اختتم :" ياريت بس نفهم الكلام دا كويس أرجوكم يعني وأخيرا الأهلي مش ملك حد و مفيش حد صاحب النادي مهما كان شغلانته ف النادي".
