"عملية شد الوجه".. داليا البحيري تخضع إلي عملية تجميل
خضعت الفنانة داليا البحيري إلي عملية تجميل لشد الوجه والرقبة والجفون، وقد أوضحت سبب لجؤها لهذه العملية من خلال فيديو متداول على موقع تبادل الصور والفيديوهات إنستجرام.
داليا البحيري تخضع لعملية تجميل
حيث قالت داليا البحيري في هذا الفيديو: “تفتكروا هصغر كام سنة بعد عملية شد الوجه، أنا من النوع اللي مش بحب أغير في شكلي بس بقالي سنتين تلاته، والناس اللي تشوفني تقولي شكلك تعبان ومس ببقى تعبانة خالص ببقى لسه صاحية من النوم، بعد العملية كل الناس اللي تشوفني تقولي أن شكلي صغر رجعت كأني في فيلم سنة أولى نصب، أنا حاسة نفسي لسه صغيرة”.
أزمات متتالية للفنانة داليا البحيري
في سياق منفصل، قد كشفت الفنانة داليا البحيري مؤخرًا، عن مواجهتها العديد من الصعوبات خلال قضائها إجازة موسم الصيف الحالي، حيث أشارت إلى مرضها لمدة 3 أسابيع، ثم مرض زوجها، وصولًا إلى انفجار إطار سيارتها عند عودتها من الساحل الشمالي للقاهرة.
تفاصيل تعرض داليا البحيري إلي وعكة صحية
حيث شاركت الفنانة داليا البحيري، عبر حسابها الرسمي على موقع تبادل الصور والفيديوهات إنستجرام، صور لإطار سيارتها، وعلقت قائلة: “الحمد لله على كل شئ طبعًا.. لأننا لازم نحمد ربنا على كل حاجة وفي كل وقت .. اللي يعرفوني كويس هيعرفوا أني من محبي شهر الصيف جدًا .. بحب البحر والشمس والسمار ولمة العيلة وكل حاجة في الصيف جميلة حتى فاكهته .. بس الحقيقة السنة دي كانت من أسوأ الصيفيات اللي عدت عليا في الساحل .. يتخللها بعض اللمحات الجميلة مع العيلة وبعض الأيام الطيبة .. بس للأسف كنت مضغوطة جدًا .. كنت بعزل من بيت لبيت .. ودي كانت حاجة مفاجأة مش مترتب لها عشان كده كنت مشدودة .. مناعتي وقعت وبقالي 3 أسابيع عيانة جدًا .. جالي دور برد أو كورونا أو زي ما تحبوا تسموه .. ولما ابتديت أخف شوية .. حسن جوزي اتعدى وتعب جدًا اكتر مني بكتير .. لدرجة أننا اضطرينا نروح مستشفى وقعدنا 4 ساعات هناك في الديپ فريزير .. تكييف عالي جدًا جدًا .. لدرجة كنا موجوعين من البرد .. رجعنا من المستشفى وبعد أقل من ساعة كانت حرارتي طلعت تاني .. ورقدت ومن يومها وأنا مش بتحسن".
