عدلي القيعي يفتح النار على إمام عاشور بعد أزمته مع الأهلي

تحدث الإعلامي “ عدلي القيعي” عبر قناة النادي الأهلي و برنامجه “ ملك و كتابة ” عن أزمة لاعب وسط النادي الأهلي “ إمام عاشور ” الأخيرة صباح اليوم ، و تخلفه عن السفر مع بعثة المارد الأحمر إلى تنزانيا لمواجهة فريق يانج أفريكانز ، بعد غد السبت ضمن منافسات الجولة الرابعة من منافسات دور المجموعات ببطورلة دوري أبطال أفريقيا.

القيعي: قرار الأهلي في أزمة إمام عاشور" تاريخي"

و أكد عدلي القيعي : في مصر واضح إنه خطر جدًا إنك تقول لواحد شكرًا وتسلم إيدك، وإنك تشيد بيه، واضح إن في لعيبة عقليتها بتفهم موضوع الإشادة من الجماهير غلط،في لعيبة لما الجمهور يشيد بيها بتفكر نفسها فوق التقييم"

القيعي : الإنتماء الحقيقي في الإخلاص

و تابع القيعي: القصة مش إنك تبوس الفانلة،القصة في إخلاصك لناديك،لو فعلًا ما عندكش عذر ومش مريض، وضعك هيكون أصعب كمان،الجمهور بيقف معاك ويساعدك تبقى أفضل،تيجي في الآخر تعمل نفسك زعيم على النادي"

و أضاف مدير التعاقدات السابق بالنادي الأهلي : إنت في الأهلي بتتعامل كنجم، لكن أوعى تتنجم على حد،هو في حد كان أفضل من أبو تريكة واتغرم، إنت مين بقى؟

و اكمل : الأهلي خد قرار العقوبة دون الرجوع للاعب أصلًا، لسه مش عارفين إمام عنده عذر ولا لأ.

و اختتم القيعي: لو عنده عذر مرضي ممكن الأهلي يراعي ده، بس العقوبة خرجت من الأهلي وفقًا للوائحه،وقرار سليم،خدنا العقوبة، وبعدها نبقى نشوف وضعك إيه ونقرر هنخفف ولا تزيد"

الأهلي يعلن غرامة و إيقاف إمام عاشور

قرر الكابتن وليد صلاح الدين، مدير الكرة بالنادي الأهلي، إيقاف إمام عاشور، لاعب الفريق الأول لكرة القدم، لمدة أسبوعين وتغريمه 1.5 مليون جنيه، نظرًا لتخلفه عن السفر مع الفريق صباح اليوم إلى تنزانيا للمشاركة في مباراة يانج أفريكانز المحدد لها بعد غد السبت، ضمن فعاليات الجولة الرابعة لدور المجموعات في دوري الأبطال.

إمام عاشور يؤدي تدريباته منفردًا طوال فترة الإيقاف

وقال الأهلي في بيان صادر عنه: "سوف يؤدي اللاعب تدريباته منفردًا طوال فترة الإيقاف"، ووفقًا لبيان النادي تخلف اللاعب عن السفر إلى تنزانيا دون إعلان أي توضيحات للأهلي.