مجدي الجلاد: الحكومة معندهاش رد على ارتفاع الأسعار ولازم نشيل بعض
قال الكاتب الصحفي مجدي الجلاد، خلال لقائه مع الإعلامي عمرو حافظ ببرنامج «كل الكلام»، المذاع على قناة الشمس، إن الحكومة المصرية ليس لديها رد على ارتفاع الأسعار الذي نشهده خلال هذه الأيام، معلقا: «خلال الأزمة اللي احنا فيها حصل تهابط في الطبقات والموضوع مبقاش مقتصر على الناس الفقراء».
حث المواطنين على دعم الغير
وتابع: «في ناس من الطبقة الوسطى كانوا مستورين دلوقتي بقوا محتاجين، أنا بناشد كل المواطنين في مصر اللي يقدر ميتأخرش واللي عنده استعداد والقدرة إنه يكفي بيته وعنده زيادة لازم نتعامل السنة دي بشكل أفضل».
لازم نشيل بعض
وأكمل: «أنا بقول لكل رجال الأعمال والمستثمرين والأغنية كل واحد يعمل على أده واللي أكتر من اللي أده، أسهل حاجة أقولك الحكومة تخفض الأسعار بس دا مش هيحصل عشان نبقى عقلانين، أو الحكومة تدي كل واحد مرتب شهرين في رمضان بردو مش هيحصل، لازم احنا نشيل بعض ونساعد بعض واللي بيخرج 1000 جنيه يخرج السنة دي 5000 لو قدر».
في وقت سابق، قال الكاتب الصحفي مجدي الجلاد، رئيس تحرير مؤسسة أونا للصحافة والإعلام، أين الدور الرقابي للبرلمان 2025؟ المسألة ليست قوانين ولا دستورا، بل ممارسة فعلية على الأرض، مضيفا:" المنافسة السياسية يجب أن تتاح للجميع، بدون حبس، وهناك الرأي والرأي الآخر، وصناديق الانتخابات".
أطول انتخابات في تاريخ مصر
وأضاف الجلاد، خلال لقائه عبر برنامج الحكاية، والمذاع عبر قناة ام بي سي، مع الإعلامي عمرو أديب:" الانتخابات دي أطول انتخابات في تاريخ مصر، أجريت الانتخابات وقلنا إن فيها مشكلة ورئيس الجمهورية تدخل ودا معناه أنه فيه مشكلة طالما تدخل".
ومن جانبها، قال النائبة نيفين إسكندر، عضو مجلس النواب، وعضو التنسيقية ومرشحة القائمة الوطنية من أجل مصر، إن هناك تخوف من الكلام في السياسة، السياسة يا تحكم يا تتحبس في العالم كله، السياسي بيقول كلمة يا تخليه ينفع يقود ويحكم يا يتحبس.
وتابع:"أنا قررت أكون صوت لـ 22 مليون شاب من جيل زد، مشيرا إلى أن الانتخابات مناخ سياسي بيتطور وينمو.
