لؤي الخطيب: رواية أحمد عبدالباسط ليست مستبعدة والتاريخ شاهد
أثار الإعلامي والمحلل السياسي لؤي الخطيب حالة من الجدل بتعليقه على ما يُثار حول المدعو أحمد عبدالباسط، معتبرًا أن المشهد الحالي يعكس واحدًا من احتمالين لا ثالث لهما، وكلاهما بالغ الخطورة، مؤكدًا أن غياب الدليل الحاسم حتى الآن لا يلغي خطورة الرواية المتداولة.
وقال الخطيب، في تغريدة عبر حسابه الرسمي على منصة «إكس»: “قرفان جدا من امبارح بسبب الكلام اللي بيتقال عن الإخوانجي أحمد عبد الباسط، لإن لو الكلام صح فاحنا قدام إعادة إحياء لقصة عبد الحكيم عابدين، ولو مش حقيقي وكل دول بيكدبوا، فاحنا قدام مجموعات بلا أخلاق، وده في حد ذاته يقول كتير عن حال المطاريد اللي بيشتموا في الدولة ليل نهار من برا”.
وأضاف: "حتى الآن مفيش دليل حاسم، وإن كان مش منطقي كل الأطراف دي تتبلى على شخص نكرة أصلا ماحدش يعرفه، ده غير إن اللي خان بلده ممكن يعمل أي حاجة تانية.. فالرواية مش مُستبعدة".
وأشار الخطيب إلى أن تضارب الروايات، سواء صحت أو ثبت زيفها، يكشف في الحالتين عن أزمة أخلاقية وسياسية عميقة، مشددًا على أن التاريخ القريب لا يجعل مثل هذه الوقائع مستبعدة، خاصة حين يتعلق الأمر بمن وصفهم بمن خانوا أوطانهم.
لؤي الخطيب يكشف مؤشرات الفائض الأولي
وكان قد علق الكاتب الصحفي لؤي الخطيب، على الجدل المثار حول خنق فوائد الديون للاقتصاد المصري، وسط طرح عدد كبير خبراء الاقتصاد حلول للأزمة.
وقال الخطيب في تغريدة له عبر حسابه على منصة إكس: الأرقام اللي صدرت النهاردة بتقول إن فوائد الديون بتلتهم جزء كبير جدا من إيرادات الموازنة، لكنها في نفس الوقت بتقول إن الفائض الأولي زاد من يوليو لديسمبر ٢٠٢٥، مقارنة بنفس الفترة من ٢٠٢٤.
وأوضح: أهمية الرقمين ايه، إن عندنا خنقة ديون بسبب سداد فاتورة اللي اتعمل للبنية التحتية خلال الـ١٠ سنين اللي فاتوا، لكن عندنا فائض أولي بيزيد، يعني الإيرادات فيها فائض عن المصروفات من غير احتساب فوائد الديون.
وأردف للؤي الخطيب: فترة خنقة الديون هتعدي كده كده، لكن المهم بعد ما تخلص شكل الاقتصاد هيكون ايه؟ الطريقة الوحيدة اللي تخلينا نعرف ده، هي شكل المسار اللي احنا ماشيينه دلوقتي.. الفائض الأولي اللي بيتطور ومؤشرات تانية كتير بتقول إننا ماشيين في مسار تطور اقتصادي مش بس إصلاح.
