نوليا مصطفى ترد على فكرة التعدد: «وانتي بتتجوزي ماضية حق انتفاع؟»
وجه الإعلامي خالد أبو بكر خلال تقديم برنامج «آخر النهار»، المذاع على قناة «النهار» سؤالا للإعلامية نوليا مصطفى، مفاده: «لو جوزك اتجوز عليكي تعملي اي؟».
تبرير تعدد الزوجات
وردت الإعلامية نوليا مصطفى قائلة: «هو حضرتك ممرش عليكي آية في القرآن اسمها مثنى وثلاث ورباع، أنا مش شيخة ولا داعية بس أنا بخاطب المسلمين، هو حضرتك وانتي بتتجوزي ماضية حق انتفاع؟».
خالد أبو بكر: «هل الحب ينفع يتقسم؟»
وتابعت: «الستات عقلت الفترة اللي فاتت وفي 3 ستات أجوازهم اتجوزوا عليهم بس ولا واحدة سابت بيتها لأن السوق مضروب».
كما تساءل خالد أبو بكر: «هل الحب ينفع يتقسم؟»، لترد نوليا موضحة: «بتحب في كل واحدة حاجة يعني دي نغشة ودي العشرة ودي الذكاء، لأن ربنا سبحانه وتعالى خلقكم كده».
واختتمت: «في صحبات يقولولي شخصيتك ضعيفة، بس أنا مش ندمانة إني كنت كده وبطالب كل الستات إنها تبقى روقة».
في سياق متصل، كشفت الفنانة نوليا مصطفى، أنها سبق وكانت زوجة ثانية لأحد الأزواج، كما وجهت نصائح للسيدات في علاقتهن مع الرجال.
نوليا مصطفى تتحدث عن علاقة الرجل والمرأة
وقالت نوليا في تصريحات تلفزيونية : “لما قولت اللي معاها راجل تحافظ عليه حتى لو إتجوز عليها أكتر من واحدة .. محدش سكتلي وكل واحدة عملت فيها إن جوزها ماشي على الصراط المستقيم وإن ميعرفش خالص ستات عليها .. ولا يمكن يتجوز عليها عرفي أو رسمي أو مسيار .. وطلعت أنا وحشة لما قولت كده .. وشافوا إني لازم أقولها قومي وهدي بيتك وإرمي ولادك وإمشي”.
مش معنى إنه إتجوز عليا إنه مش بيحبني
وتابع : “أنا أتقبل الوضع ده بس لو جوزي كويس ومحترم وكريم وأمين وبيحافظ عليا .. وقولت 100 مرة الراجل غير الست ومش معنى إنه إتجوز عليا إنه مش بيحبني .. لأن الراجل بيحب كتير .. وإنتي بقا لو قابلة تمام ولو مش قابلة مع السلامة”.
أنا كنت زوجة تانية
واختتمت نوليا مصطفى : “أنا مابقولش للراجل روح أتجوز على مراتك .. ولكن أنا كنت زوجة تانية .. وكنت بحب جوزي جدًا .. وكنت فاهمة إنهم منفصلين بس عايشين مع بعض علشان الولاد .. وفي بنات كتير بيتضحك عليها بالطريقة دي".
