سالي عبدالسلام لمتابعيها: دعواتكم لبيبي سليم معافى

أعلنت الإعلامية سالي عبدالسلام، عن بداية عامها الجديد بحملها المنتظر، مشاركة متابعيها فرحتها عبر وسائل التواصل الاجتماعي.

وكتبت سالي في منشور عبر حسابها على موقع «فيسبوك»: «ممكن لو مفيش إساءة أدب، وأنا عارفة إنكم هتدعولي ببيبي سليم معافى صالح في ميعاده يا رب يستجيب، معاها بقى ندعي إن البيبي يطلع شبههم كده وبلوند أو عينه أو عينها ملونة حاجة زي اللي قدامنا كده معرفش إزاي».

https://www.facebook.com/share/r/19Xv8o9wUf/

وأضافت: «انا قعدت ابصلهم اتوحم عليهم ماشاء الله اللهم بارك مامى قالتلى الناس هتشتمك والله بس انا واثقة انكم بتحبونى وكمان بقى عشمانة اوى معلش نجرب يارب  يمكن تيجى وهو عليه هين».

وفي وقت سابق، تمر الإعلامية سالي عبدالسلام بوعكة صحية أثناء فترة حملها، وقد كشفت عن ذلك من خلال منشور عبر حسابها الرسمي على موقع تبادل الصور والفيديوهات إنستجرام.

وقالت سالي عبدالسلام معلقة: “أصحابي الاتنين، جهاز الضغط وحقن الكليكسان”.

معاناة سالي عبدالسلام مع حملها

في سياق منفصل، خرجت الإعلامية سالي عبدالسلام عن صمتها لتطلب دعوات كثيرة من متابعيها، بسبب معاناتها مع الحمل، وذلك من خلال نشر مقطع من حلقتها مع ريهام سعيد وهي تتحدث عن صعوبة حملها، عبر حسابها الرسمي على موقع تبادل الصور والفيديوهات إنستجرام.

وأرفقته سالي عبدالسلام بتعليق قائلة: “كان يوماً شديد التوتر بصراحة، وأعلم أنه ليس بالأمر السهل على الإطلاق،  الا بذكر الله تطمئن القلوب، سورة يس، وهو عليا هين، أنا عايزة دعوات كتير أوى أمانة! بعد انفصال المشيمة و الضغط العالى وشاكين فى السكر، جالى عرق النسا وبمشى بالعافية ! انا اتبهدلت اوى، اللهم لك الحمد حتى ترضى”.

سعادة سالي عبدالسلام بدعوات محبيها

وكانت قد أعربت الإعلامية سالي عبدالسلام عن سعادتها البالغة بدعوات محبيها وجمهورها بعدما علموا بحملها، بعد استضافتها في برنامج صبايا الخير مع الإعلامية ريهام سعيد على قناة النهار.

وكتبت سالي عبر حسابها على إنستجرام : “بسم الله نبدأ 2026 ببركة ورزق وهبة من الله .. أنا كان نفسي إني أحط فيديو على الأغنية دي أوي والله .. أنا من إمبارح عايزة أعيط من جمالكم بجد .. أنا شوفت دعوات عمري ما شفتها في حياتي .. شكراً من قلبي .. كل اللى حواليا قالولي متقوليش .. إسكتي قولي لما تولدي .. بس حقكم تعرفوا”.

وأضافت سالي عبدالسلام : "حقكم إنكم تعرفوا دعواتكم اللي شوفتها وسمعتها أو اتقالتلي في وشي .. إن ربنا كرمني بيها وبكل واحد فيكم .. وده سر قوتي وعمري ما بنسى .. لما الناس بتقولي اشمعنى انتي بيدعولك أو بيحبوكي بخاف اتحسد عليها”.

وتابعت : "أه دعوات الناس تغير الأقدار ومستجابة أكتر من دعواتي لنفسي .. لو قولتلكم إني استنيت دوري سنين عشان ربنا يرزقني الرزق  والهبة دي عارفة إنكم هتصدقوا .. الحمدلله خسرت تؤام .. بس ليا بيتين في الجنة وبدعواتكم ربنا كرمني وهيكرمني وهيكملها على خير .. وهيبقى معايا زينة الحياة الدنيا واللي يوهبه رضا أى كان .. وهو على هين الوهاب”.