جراديشار يوافق على الرحيل عن الأهلي وينتقل إلى الدوري المجري

كشف الإعلامي خالد الغندور، عن مصدر داخل النادي الأهلي أن اللاعب جراديشار قام بجمع متعلقاته اليوم تمهيدًا للرحيل، بعدما تحدد موعد خضوعه لكشف طبي في نادي أوبيست المجري يوم الاثنين المقبل.

وأضاف الغندور خلال تصريحاته لبرنامجه ستاد المحور، أن النادي المجري توصل لاتفاق مع الأهلي على ضم اللاعب لمدة 6 أشهر على سبيل الإعارة، على أن يتحمل النادي الجديد جزءًا من راتب اللاعب، بينما يتحمل الأهلي الجزء الآخر، تمهيدًا لإتمام الإجراءات الرسمية خلال الأيام القليلة القادمة.

الأهلي: الأرقام المتداولة عن عقود اللاعبين مغلوطة وسيطرنا على سقف الرواتب

​تحدث وليد صلاح الدين مدير الكرة بالنادي الأهلي، في تصريحات تلفزيونية، عن عقود لاعبي الأهلي وسقف الرواتب.

وقال وليد صلاح الدين:" بخصوص كوكا وعبد القادر والشحات نتفاوض وكلهم معانا ومكملين الست شهور ودول ولادنا وإحنا في تواصل معاهم".

​وتابع:" ممكن يبقى فيه شوية اختلاف في الأرقام والنادي الأهلي خلاص بيحط أرقام معينة، وعلى فكرة الأرقام اللي بتظهر على السوشيال ميديا وفي برامج كتير أرقام مغلوطة جداً".

​وأضاف:" في فرق بين أنت بتشتري لعيب من نادي، وفيه فرق بين تعاقد النادي نفسه مع اللاعب، اللاعب سعره هو مغلوط جداً في البرامج وبيتقال إن إحنا إدينا لفلان 20 و30 و40 مليون والكلام ده غلط بنسبة 100%".

​واستطرد:" ماليش دعوة بالقديم أو أي لعيب عقوده شغالة، أنا بتكلم في اللعيبة الجديدة والأهلي بيحاول يسيطر على الأرقام ودي نقطة مهمة جداً".

​واختتم، بستأذن الناس اللي بتقول أرقام تبقى متأكدة منها، كله بيجتهد ولكن هي فعلاً أرقام مغلوطة تماماً".

الأهلي يوجه رسالة شكر لعمر كمال عبد الواحد بعد رحيله إلى سيراميكا

​قال وليد صلاح الدين مدير الكرة بالنادي الأهلي، أشكر عمر كمال عبد الواحد لأنه لاعب كبير وأهلاوي بجد وشخصية محترمة جداً وبيحب النادي.

وتابع وليد صلاح الدين:" قعدنا معاه وكنا محتاجينه جداً وكان أحسن لعيب مش موجود في المنتخب".

​وأكمل:" حتى لما لعبنا كأس العاصمة وكأس مصر كان هو من أحسن الناس وهو اللي سجل، فبشكره إنه وافق الأول إنه يقعد ولما النادي احتاج مروان عثمان والكابتن علي ماهر صمم على عمر كمال ومحمد عبد الله وعابدين كنا لازم نلاقي بدايل ورحنا جبنا أحمد عيد"