بفيلم مؤلف ومخرج وحرامي.. نيللي محمود تكشف عن كواليسها مع مي كساب|خاص
بعد النجاح الذي حققه فيلم مؤلف ومخرج وحرامي، كشفت الفنانة نيللي محمود كواليس شخصيتها وتعاونها مع الفنانة مي كساب، وذلك من خلال تصريحات خاصة لـ موقع نيوز رووم.
دور نيللي محمود في فيلم مؤلف ومخرج وحرامي
قالت الفنانة نيللي محمود عن دورها بالفيلم: “الدور مختلف أول مرة اعمل بلوجر كنت حابة اعمل الشخصية دي اسمها ميادة ميوش، وكنت حابة اشتغل مع مي كساب جدًا شاطرة ومجتهدة وكانت عجباني في جعفر العمدة اووي، وكانت من الفنانات اللي انا حابة اشتغل معاهم”.
كواليس تعاون مي كساب ونيللي محمود
وعن كواليسها مع الفنانة مي كساب، قالت نيللي محمود: “الكواليس مع مي كانت هايلة وحلوة هي مرنة جدًا في الشغل معندهاش مشكلة نغير في حاجات مادام ده هيطلعنا بشكل احسن، هي اكتر حد مرن اشتغلت معاه، والتيك توك اللي عملناه ده كان في اخر يوم تصوير ليا وانا اللي طلبت منها نعمله سوا وكان لطيف”.
ردود الفعل حول فيلم مؤلف ومخرج وحرامي
وعن ردود الفعل الذي تلاقتها منذ طرح الفيلم، قالت نيللي محمود: “ردود الافعال مش كتير أنه لسه مبقالوش كتير نازل، بس حتى لو حد كتب حاجة كلها ردود فعل ايجابية، مافيش حاجة سلبية لحد دلوقتي، ومنتظرة طرحه على المنصات والتلفزيون التفاعل عليهم هيكون أكتر”
أبطال فيلم مؤلف ومخرج وحرامي
وفيلم مؤلف ومخرج وحرامي، يدور في إطار اجتماعي كوميدي، تظهر خلاله مي بشخصية كوافيرة، ويضم في قائمة أبطاله، كل من، أحمد فتحي، ميمي جمال، سامي مغاوي، أوتاكا، ياسر الطوجي، نيللي محمود، محمود حافظ، وآخرين، وهو تأليف ميشيل منير وإخراج أسامة عمر.
سبب اختفاء نيللي محمود
وعن اختفاء نيللي محمود وعدم ظهورها في أدوار منذ نجاح شخصية لبنى في مسلسل في بيتنا روبوت، قالت نيللي محمود في تصريحاتها أيضًا لموقع نيوز رووم: “سبب الاختفاء أن الأدوار اللي بتتعرض عليا مش بتعجبني سواء على مستوى الشخصية نفسها بحس أني عملتها قبل كده أو على مستوى مساحة الشخصية بتبقى صغيرة والدور كمان مش عاجبني فاعمله ليه، وده مش معناه أني مبحبش الأدوار اللي مساحتها صغيرة، ممكن تعمل دور مساحته صغيرة لكنه مؤثر بيتشاف بشكل كويس أحسن من دور مساحته كبيرة ومأضفش حاجة، لو دور مساحته صغيرة وحلو بعمله مش بقدر ارفضه، لو مكرر مش حباه مش هعمله مبحبش اكون متواجدة وخلاص”.
