خبر كاذب وتحروا الدقة.. منة تيسير تكشف حقيقة الأخبار المتداولة عن مرضها
خرجت الفنانة منة تيسير عن صمتها بعد انتشار أخبار كاذبة حول إصابتها بجلطة في الدماغ، مما جعلها تنفيها من خلال منشور عبر حسابها الرسمي على موقع تبادل الصور والفيديوهات إنستجرام.
وقالت منة تيسير في منشورها: “خبر كاذب وغير حقيقي، ياريت السادة الصحفيين تحري الدقة عيب جدا ممكن تتاكدوا من صاحب الشأن من أداب المهنة، اقل حق من حقوقي”.
منة تيسير تتعرض إلي وعكة صحية
وقد تعرضت الفنانة منة تيسير إلي وعكة صحية شديدة في الأيام الأخيرة، وقد كشفت عن تفاصيلها من خلال منشور عبر حسابها الرسمي على موقع التواصل الإجتماعي فيسبوك.
وقالت منة تيسير في منشورها: "أنا بقالي فترة طويلة بمر بفترة صحية صعبة جدا، بقالي كتير تعبانة كنت بقعد بالأيام والأسابيع ما أقدرش أخرج من بيتي، التعب ده بقاله شهور طويلة داخلة على سنة غالبا، رغم كده، أنا مكنتش بتكلم ولا بكتب ولا بعبر خالص، محديش يعرف غير أهلي والناس اللي قريبة مني جدا، بقالي سنة بعافر وبحارب أني مستسلمش وابقى كويسة زي الأول أو أن ايأس من رحمه ربنا عليه، اتعذبت كتير و اتألمت وكان عندي ثقة كاملة أني هخرج من اللي أنا فيه ده إن شاء الله وكنت راضية ب الابتلاء وكنت بحمد ربنا عليه والله، بشكر من قلبي كل الناس اللي كانت معايا، أهلي، والناس القريبة مني، وكل اللي كانوا بيدعولي دايمًا وكانوا نفسهم يشوفوني أحسن، والحمد لله، ربنا لطف بيا وكرمني وعفا عني بكرمه وعفوه ورحمته".
تطورات حالة منة تيسير الصحية
وعن تطورات حالتها الصحية، قالت منة تيسير: “أنا دلوقتي في آخر مراحل الشفاء، وبقيت اعيش حياتي بشكل طبيعي، و ربنا كرمني ورزقني إني أروح عمرة مرتين في 2025 ، ودي كانت من الحاجات اللي ساعدتني جدًا إني أبقى أحسن ونفسيتي تتحسن، واقاوم المرض والتعب ربنا كان معايا دايما، الفترة دي علّمتني إن الصحة من أهم حاجة عند الإنسان، إنه يقدر يأكل وقت ما يحب، ينام وقت ما يحب، يشوف أصحابه وأهله و ناسه وقت ما يحب، وينزل ويتكلم ويترك بشكل طبيعي وقت ما يحب، وتبقى حياته ماشية بشكل طبيعي من غير ما يحس إن حياته متشقلة بسبب التعب، المرض ابتلاء، انا بقول دلوقتي علشان أي حد زعلان مني أني كنت مش موجودة و متواصلة ولا كنت برد عليه أو أي حد أنا قصرت معه الفترة ده كله مكنشي بيدي ولا بحب اشتكي ولا اقول ولا أشيل حد همي، الحمد الله ربنا كبير ودائما بيلطف بعباده، فترة صعبة والحمد الله مرت، اللهم اشفي مرضانا جميعنا، ويشفينا من سائر الامراض والاسقام ما علمنا منها وما لا نعلم، فانك يا رحمان يا رحيم بصير بالعبادك”.
