صدقي صخر : تركت الهندسة بسبب شغفي بالفن والتمثيل | فيديو
تحدث الفنان صدقي صخر عن شغفه بالتمثيل، مشيرًا إلى أنه ترك الهندسة من أجل التمثيل.
وقال صدقي صخر خلال لقائه في برنامج أسرار النجوم مع إنجي علي عبر إذاعة نجوم إف إم : “بحب أمثل، سيبت شغل الهندسة عشان شغفي بالفن والتمثيل، مش همثل عشان أنتشر، هعمل دايما الحاجة اللي بحبها ومؤمن بيها وشايف أنها بتضيف لي وبتحترم المتفرج وفيها تحدي ليا، وأتمنى أكون قد الكلام اللي بقوله لأن ده رفاهية”..
وأضاف صدقي صخر: “بتعرف على نفسي دايما من خلال التمثيل، وجزء كبير من علاقتي بنفسي اتغير أول ما بدأت اتناول التمثيل بشكل مختلف، علشان الواحد يكون حقيقي معناه أنه محتاج يدخل جوه نفسه ويتصالح مع كل جوانب نفسه، بشوف أنه علاج نفسي، مش مجرد تحريك الحواجب، ولكن أن الممثل يكون عايش الشيء، ومن هنا بدأت علاقتي بنفسي تتغير وعلاقتي بأهلي وصحابي، ومن هنا بقى إدمان، وأصبح فيه جوانب تانية في شخصيتي مش عارفاها وعاوز اتعرف عليها”.
من جانب آخر، تحدث صدقي صخر عن سبب عدم زواجه حتى الآن، ليرد: "نفسي أتجوز وأكون أسرة .. بس الموضوع بيبقى أصعب مع التقدم في العمر .. وأنا بطبيعتي أحب الاستقرار .. ولا أعلم لماذا لم أقدم على هذه الخطوة حتى الآن".
