أمنية حجازي تهاجم المحامي أحمد مهران: مركز معايا ليه معندكش شغل؟
انتقدت أمنية حجازي طليقة عبدالله رشدي، تتصريحات المحامي أحمد مهران ضدها، مشيرة إلى أنه انشغل بحديثها بسبب عدم وجود قضايا في مكتبه.
وقالت أمنية حجازي في منشور لها عبر فيسبوك: أستاذ أحمد ياريت تخليك في زواج التجربة أحسن وملكش دعوة بكلامي، ومش فاهمة الحقيقة أنت ضايف صورتي جنب طليقي ليه مع إن البوست بتاعي أصلًا ملهوش علاقة بيه ولا هو أي ريتش وخلاص.
وأردفت أمنية حجازي: افتكر انك لو كان عندك قضايا في مكتبك مكنتش بقيت فاضي تناقش بوستاتي علي صفحتك
وأكملت انتقادها للمحامي أحمد مهران: أنا مش شيخة يا محامي وانت فاهمني كويس يا محامي، بالمناسبة أنا عاملاله بلوك وصاحبتي هي اللي بعتتلي البوست اسكرين.. أمرك عجيب الحقيقة.
ومن جانبه قال المحامي أحمد مهران إن الداعية أمنية حجازي بتقول : فيه بوست منتشر كده مضمونه اني بحـارب التعدد وبكده ابقي بحارب الشرع.. ربنا يشفي
وتابع مهران ناقلا لحديث أمنية حجازي عن التعدد:
أولًا: التعدد مش فرض يعني أنا حُرة أقبل أو أرفض
ثانيًا :ربنا مش هيعاقبني عشان رفضت أتزوج شخص متزوج او رفضت ان زوجي يتزوج عليا مثلًا
ثالثًا : أنا مبحـاربش الشرع، مش فاهمة الحقيقة اللي طلع الجملة دي مخه كان فين ساعتها
رابعًا : بطلوا تستشهدوا بالنبي صلى الله عليه وسلم في التعدد عشان ده النبي ؟ انت بتقارن نفسك بمين يا ابني انت
خامسًا :انتي قابلة زوجك يعدد انتي حُره حبيبتي طالما انتي في استطاعتك وتقدري تتحملي وتقبلي ده
أنا مقبلش اعيش مع نص راجل ولا أقدر وانا شخص غيور جدًا ومتصالحة مع ده مقدرش علي ده ومقبلوش، ربنا سبحانه وتعالي قال: " وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ ۗ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا " تمام !!؟
بس هل انا معترضة علي التعدد كحكم شرعي أو علي التشريع نفسه؟ لا أجرؤ علي هذا أصلًا لكني لا أقبله علي نفسي وهذا حقي.. وهذا الحق لا يخالف الآية مطلقًا ،، أنا مؤمنه بالتعدد كشرع لكني لا أقبله علي نفسي، أظن واضح !!.
واختتم أحمد مهران حديثه قائلا: بعد ما سمعنا الشيخة أمنية ؟! ا/أنتم بقى رأيكم ايه ؟! وشايفينه صح ولا غلط ؟.
